Иртәнге чыгарылыш
Татарстан Дәүләт Советы Рәисе Фәрит Мөхәммәтшин Яшьләр парламенты рәисе Дамир Нургалиевка таныклык тапшырды. Исегезгә төшерәбез, быел 28 сентябрьдә икенче чакырылыш Яшьләр парламентының беренче утырышында Дамир Нургалиев Дәүләт Советы каршындагы Яшьләр парламенты рәисе итеп сайланды.
Казан урамнарында “Татарстан уллары – Россия каһарманнарны” дигән исем белән интерактив экраннарда Россиянең барлык 13 Герое – Татарстаннан махсус хәрби операциядә батырлык күрсәтүчеләр турында мәгълүматләр урнаштырылды.
Казанда БРИКС саммиты вакытында 21 октябрьдән 24 октябрьгә кадәр Казан Кремле диварларында форумда катнашучы илләрнең мәдәнияте элементлары һәм бизәкләре, шәһәрләре силуэтлары, тарихи сәхнәләре күренешләре, БРИКС илләре телләрендә сәламләүләр белән утлы шоу күрсәтеләчәк.
Россиянең һәм Татарстанның халык артисты Ринат Таҗетдинов вафат булу сәбәпле, Татарстан җитәкчелеге кайгы уртаклашу сүзләрен җиткерде.
Көндезге чыгарылыш
Татарстан Рәисе Рөстәм Миңнеханов хөкүмәт йортында Россия Бәйсез һөнәр берлекләре федерациясе рәисе Михаил Шмаков белән очрашты. Һөнәр берлекләре хәрәкәтен үстерү, төбәк һөнәр берлекләре алдында торган актуаль бурычларны хәл итү, эшче һөнәрләренең абруен ныгыту буенча киләчәккә бурычлар турында фикер алыштылар.
БРИКС саммитында «Татарстанда эшләп чыгарылган» дигән күргәзмә ачыла. Экспозициянең бер өлеше Татарстан Дәүләт Советы каршында, икенчесе парламент бинасында урнашачак. Татарстанда эшләүче 50гә якын компания үз продукциясен тәкъдим итәргә җыена.
Бүген Казанда Татарстанның һәм Россиянең халык артисты, Татарстанның Габдулла Тукай исемендәге, Марсель Сәлимҗанов исемендәге, СССРның Дәүләт бүләкләре лауреаты, «Алтын битлек» Россия милли театр премиясенең беренче лауреаты Ринат Арифҗан улы Таҗетдиновны соңгы юлга озаттылар. Мәрхүм белән хушлашу мәрәсиме Галиәсгар Камал исемендәге Татар дәүләт академия театры фойесында узды.
Кичке чыгарылышлар
Кытай Халык Республикасы Рәисе Си Цзиньпин 22-24 октябрьдә Казанга БРИКС саммитында катнашу өчен килә. Бу хакта Кытай Тышкы эшләр министрлыгының рәсми вәкиле Хуа Чуньин хәбәр итте.
Бүген Галиәсгар Камал исемендәге Татар Дәүләт Академия театрында РСФСРның ТАССРның халык артисты Ринат Арифҗан улы Таҗетдинов белән хушлашу мәрәсиме узды. Анда Татарстан рәисе Рөстәм Миңнеханов, республика Дәүләт Киңәшчесе Минтимер Шәймиев, Дәүләт Советы Рәисе Фәрит Мөхәммәтшин катнашты.
Татарстан Дәүләт Советында Казан рәссамы Полина Илюшкинаның «БРИКС илләре буйлап» дигән күргәзмәсе ачылды. Экспозициядә Мисыр, Һиндстан, Кытай, Иранда тарихи урыннарны, архитектура һәйкәлләрен, БРИКС илләре халыкларының мәдәниятен, традицияләрен, бу дәүләтләрдә яшәүче җирле халыкларның яшәешен сурәтләгән рәсемнәр куелган.
Россия Президенты Владимир Путин Мәскәүдә БРИКС эшлеклефорумыныңпленарутырышында чыгыш ясады. Ул берләшмә илләре компанияләренең сәнәгатьтә, энергетикада, инфраструктурада, авыл хуҗалыгында, цифрлы икътисадта уңышлы хезмәттәшлек итүләрен, уртак проектларны тормышка ашыруларын билгеләп үтте.
Бүген Галиәсгар Камал исемендәге Татар Дәүләт Академия театрында РСФСРның ТАССРның халык артисты Ринат Арифҗан улы Таҗетдинов белән хушлашу мәрәсиме узды. Анда Татарстан рәисе Рөстәм Миңнеханов, республика Дәүләт Киңәшчесе Минтимер Шәймиев, Дәүләт Советы Рәисе Фәрит Мөхәммәтшин катнашты.
Татарстан Дәүләт Советында Казан рәссамы Полина Илюшкинаның «БРИКС илләре буйлап» дигән күргәзмәсе ачылды. Экспозициядә Мисыр, Һиндстан, Кытай, Иранда тарихи урыннарны, архитектура һәйкәлләрен, БРИКС илләре халыкларының мәдәниятен, традицияләрен, бу дәүләтләрдә яшәүче җирле халыкларның яшәешен сурәтләгән рәсемнәр куелган.
