Иртәнге чыгарылыш
Татарстан Рәисе Рөстәм Миңнеханов хөкүмәт йортында финанс, казначылык һәм салым органнарының республика киңәшмәсен уздырды. Анда быелның 9 аенда республиканың берләштерелгән бюджеты үтәлеше йомгаклары, ел ахырына кадәр финанс системасы органнарының бурычлары каралды. Киңәшмәдә Татарстан Премьер-министры Алексей Песошин, Дәүләт Советы Рәисе урынбасары Юрий Камалтынов катнашты.
Татарстан Милли китапханәсендә «Традицион гаилә кыйммәтләре» Бөтенроссия православие иске обряд форумының пленар утырышы узды. Анда Татарстан рәисе Рөстәм Миңнеханов, Рус Православие иске обряд чиркәвенең Мәскәү һәм бөтен Русь митрополиты Корнилий, Рус Православие иске обряд чиркәве Казан-Нократ епархиясе епискобы Евфимий катнашты.
Нәҗип Җиһанов исемендәге Казан дәүләт консерваториясе Татарстанның халык артисты, баянчы, композитор Рамил Курамшинның соңгы васыятьләренең берсен үтәде – аның әсәрләреннән торган җыентык бастырып чыгарды. Йөз данәдә басылган җыентыктагы пьесалар урта махсус һәм югары уку йортларында белем алучыларга кулланма буларак тәкьдим ителә.
Кичке чыгарылышлар
Россия Президенты Владимир Путин Чаллы шәһәренә нигез салынуга – 400 ел, беренче «КАМАЗ» йөк автомобиле чыга башлауга 50 ел тулуны бәйрәм итү турындагы Указны имзалады. Документ хокукый актлар порталында урнаштырылган.
Казанда Төркия Республикасы оешуга 101 ел тулу уңаеннан тантаналы кабул итү булды. Республиканы күренекле эшлеклеләрен Төркиянең Казандагы Генераль консулы Угур Йылмаз каршылады. Татарстан Рәисе Рөстәм Миңнехановның котлау хатын республика Дәүләт Советы Рәисе урынбасары Юрий Камалтынов укыды.
Мәскәүдә Спаситель Христы Храмы соборында чит илләрдә яшәүче Ватандашларның VIII Бөтендөнья конгрессы ачылды. Быел форум «Россия белән бергә» шигаре белән уза. Чараларда Татарстан Дәүләт Советы Рәисе, Татарстан Рәисе каршындагы Ватандашлар эшләре буенча координация советы Рәисе Фәрит Мөхәммәтшин җитәкчелегендәге рәсми делегация катнаша.
Россия Президенты Владимир Путин Чаллы шәһәренә нигез салынуга – 400 ел, беренче «КАМАЗ» йөк автомобиле чыга башлауга 50 ел тулуны бәйрәм итү турындагы Указны имзалады. Чаллы шәһәр Советы утырышында мэр Наил Мәһдиев шәһәргә нигез салынуга 400 ел тулуны һәм «КАМАЗ» беренче йөк автомобилен чыгаруга 50 ел тулуны бәйрәм итүгә әзерлекне башларга кушты.
Татарстанда чит илләрдәге Ватандашлар белән мөнәсәбәтләрне үстерү, аларга ярдәм итү һәм илгә кайтару өчен күп эшләнгән. Бу хакта Бөтендөнья чит илләрдә яшәүче Ватандашлар конгрессында Татарстан Дәүләт Советы Рәисе Фәрит Мөхәммәтшин белдерде. Россия Тышкы эшләр министры Сергей Лавров конгресста катнашучыларга Россия Президенты Владимир Путинның сәламләвен җиткерде.
“РОСТКИ” II Россия-Кытай форумы вакытында Казанда 30 уникаль чара уздырылачак.Чарада катнашучыларны, кунакларны һәм экспертларны экскурсияләр, халыкара экспозицияләр, чәй тантаналары, башка актив чаралар көтә. Халыкарафорум13-15 ноябрьдә уза.
