Иртәнге чыгарылыш
Россия Президенты Владимир Путин Чаллы шәһәренә нигез салынуга – 400 ел, беренче «КАМАЗ» йөк автомобиле чыга башлауга 50 ел тулуны бәйрәм итү турындагы Указны имзалады. Чаллы шәһәр Советы утырышында мэр Наил Мәһдиев шәһәргә нигез салынуга 400 ел тулуны һәм «КАМАЗ» беренче йөк автомобилен чыгаруга 50 ел тулуны бәйрәм итүгә әзерлекне башларга кушты.
Татарстанда чит илләрдәге Ватандашлар белән мөнәсәбәтләрне үстерү, аларга ярдәм итү һәм илгә кайтару өчен күп эшләнгән. Бу хакта Бөтендөнья чит илләрдә яшәүче Ватандашлар конгрессында Татарстан Дәүләт Советы Рәисе Фәрит Мөхәммәтшин белдерде. Россия Тышкы эшләр министры Сергей Лавров конгресста катнашучыларга Россия Президенты Владимир Путинның сәламләвен җиткерде.
“РОСТКИ” II Россия-Кытай форумы вакытында Казанда 30 уникаль чара уздырылачак.Чарада катнашучыларны, кунакларны һәм экспертларны экскурсияләр, халыкара экспозицияләр, чәй тантаналары, башка актив чаралар көтә. Халыкарафорум13-15 ноябрьдә уза.
Көндезге чыгарылыш.
Россия Президенты Владимир Путин “Минималь хезмәт хакы күләме турында”гы Федераль законның 1 маддәсенә үзгәреш кертү хакында” Федераль законны имзалады. Закон 2025 елның 1 гыйнварыннан хезмәт өчен түләүнең минималь күләмен арттыруны күздә тота.
Татарстан Дәүләт Советы Рәисе Фәрит Мөхәммәтшин Мәскәүдә Россия Федераль Җыены Дәүләт Думасы Рәисе Вячеслав Володин белән очрашты. Алар республиканың социаль-икътисади үсеше мәсьәләләре буенча фикер алышты. Фәрит Мөхәммәтщин Дәүләт Думасы Рәисенә Татарстан Дәүләт Советының кайбер закон чыгару инициативаларын тапшырды.
Казанда «Төньяк капка» дигән яңа индустрия парк төзергә җыеналар. Тиешле карар проекты хәзер коррупциягә каршы экспертиза уза. Документ нигезендә, паркны «Татарстан Республикасының сәнәгать инфраструктурасы объектларын үстерү максатларында» ясарга телиләр.
Кичке чыгарылышлар
Россия Президенты Владимир Путин “Минималь хезмәт хакы күләме турында”гы Федераль законның 1 маддәсенә үзгәреш кертү хакында” Федераль законны имзалады. Закон 2025 елның 1 гыйнварыннан хезмәт өчен түләүнең минималь күләмен арттыруны күздә тота.
Татарстан Дәүләт Советы Рәисе Фәрит Мөхәммәтшин Мәскәүдә Россия Федераль Җыены Дәүләт Думасы Рәисе Вячеслав Володин белән очрашты. Алар республиканың социаль-икътисади үсеше мәсьәләләре буенча фикер алышты. Фәрит Мөхәммәтщин Дәүләт Думасы Рәисенә Татарстан Дәүләт Советының кайбер закон чыгару инициативаларын тапшырды.
Татарстан Премьер-министры урынбасары — Министрлар Кабинеты Аппараты җитәкчесе Шамил Гафаров Юл хәрәкәте иминлеген тәэмин итү буенча Хөкүмәт комиссиясенең чираттагы утырышын уздырды.
Казан Кремлендә чирәмдә хоккей буенча «Динамо — Ак Барс» ир — атлар һәм «Ак Барс — Динамо» хатын-кызлар клубларын — 2024 елгы Россия чемпионнарын хөрмәтләү тантанасы узды. Спортчыларны лаеклы җиңүләре белән Татарстан рәисе Рөстәм Миңнеханов котлады.
Татарстан Республикасының Россия Федерациясендәге Тулы вәкаләтле вәкиллегендә Тулы вәкаләтле вәкиллек оешуга 30 ел тулу уңаеннан хезмәт коллективының тантаналы җыелышы узды. Татарстан Дәүләт Советы Рәисе Фәрит Мөхәммәтшин Республика Рәисе Рөстәм Миңнеханов, парламент һәм республика Хөкүмәте исеменнән Татарстан Премьер-министры урынбасары – Татарстан Республикасының Росия Федерациясендәге Тулы вәкаләтле вәкиле Равил Әхмәтшинны һәм вәкаләтле вәкиллек хезмәткәрләрен истәлекле вакыйга белән котлады.
Казанда БРИКС илләре яшьләр советы утырышы башланды. Аңа Берләшмәнең барлык тугыз дәүләтеннән вәкилләр катнаша. Алар киләчәктә халыкара багланышлар турында фикер алыша, чараларның календарь планын төзи.
