Иртәнге чыгарылыш
Татарстан Рәисе Рөстәм Миңнеханов Казанның Шиһабетдин Мәрҗани урамындагы 12 нче мәктәбендә булды. Рөстәм Миңнеханов уку кабинетларын, актлар залын, спорт блогын карады, Халыклар бердәмлеге көненә багышланган ачык дәрестә булды.
13 ноябрдә Казанда “РОСТКИ: Россия һәм Кытай – үзара файдалы хезмәттәшлек» II Халыкара форумы ачыла. Пленар утырыш форумның финал көненә, 15 ноябрьгә билгеләнгән.
Татарстан елгаларында навигациянең кайчан ябылачагы билгеле булды. Чулман елгасында суднолар хәрәкәте туктатылды инде. Федераль диңгез һәм елга транспорты агентлыгы карары нигезендә, Иделдә навигация сезоны соңрак, 21 ноябрьдә тәмамланачак.
Көндезге чыгарылыш
Татарстан Рәисе Рөстәм Миңнеханов «Химград» технополисында авиация интерьерлары җитештерү цехында булды. «Авиация интерьерлары» компаниясе төрле маркадагы самолетлар өчен пассажир кабиналары комплектларын эшләп чыгара. Җитештерүне киләчәктә үстерү буенча киңәшмә дә узды. Рөстәм Миңнеханов предприятиенең мөмкинлекләрен югары бәяләде.
Татарстан Рәисе Рөстәм Миңнеханов Запорожье өлкәсе губернаторы Евгений Балицкий белән очрашты. Башта алар Татарстан Хөкүмәте белән Запорожье өлкәсе Хөкүмәте арасында сәүдә-икътисадый, фәнни-техник, мәдәни һәм башка өлкәләрдә хезмәттәшлек турында килешүгә кул куйдылар.
Татарстан шефлык иткән Лисичанск шәһәренә Мамадыш районыннан 11 тонна гуманитар йөк, шул исәптән яңа уңыштан 8 тонна яшелчә җибәрделәр. Гуманитар ярдәм составында шулай ук шешәләрдә 23 тоннага якын су, Мамадышта ясалган лимонад бар.
Кичке чыгарылышлар
Бүген Татарстан Рәисе Рөстәм Миңнеханов Казанда Вознесение трактының икенче чираты төзелеше барышы белән танышты. Ул автомобиль юлын карады, шулай ук Казанның Җиңү проспектыннан алып «Волга»М7 федераль трассасына кадәр автомобиль руле артында барды.
Иртәгә, 13 ноябрдә Казанда “РОСТКИ: Россия һәм Кытай – үзара файдалы хезмәттәшлек» II Халыкара форумы ачыла. “Форумга 10 меңнән артык катнашучы теркәлгән”, — дип белдерде чарага әзерлек турында брифингта республика Инвестиция үсеше агентлыгы җитәкчесе Талия Миңнуллина.
Казан районара табигатьне саклау прокуратурасы Аккош күлендә балыкларның күпләп үлүе сәбәпле, тикшерүләр үткәрә. “Росрыболовство” оешмасы белгечләре «Бөтенроссия балык хуҗалыгы һәм океанография фәнни-тикшеренү институты» филиалы белән балыклар үлеме сәбәбен ачыклый.
Татарстан Рәисе Рөстәм Миңнеханов Казанда Вознесение трактының икенче чираты төзелеше барышы белән танышты. Ул автомобиль юлын карады, шулай ук Казанның Җиңү проспектыннан алып «Волга»М7 федераль трассасына кадәр автомобиль руле артында барды.
Казанда “РОСТКИ: Россия һәм Кытай – үзара файдалы хезмәттәшлек» II Халыкара форумы ачыла. “Форумга 10 меңнән артык катнашучы теркәлгән”, — дип белдерде чарага әзерлек турында брифингта республика Инвестиция үсеше агентлыгы җитәкчесе Талия Миңнуллина.
Казан мэры Илсур Метшин «Zа Победу – Җиңү өчен» хәрәкәтенең тегү һәм җитештерү цехларында булды. Анда активистлар эштән буш вакытта маскировка челтәрләре үрәләр, окоп шәмнәре ясыйлар, киемнәр тегәләр һәм махсус хәрби операциядә катнашучылар өчен гуманитар ярдәм җыялар.
