Иртәнге чыгарылыш
Татарстан Рәисе Рөстәм Миңнеханов хөкүмәт йортында Россия Юстиция министрының беренче урынбасары Евгений Забарчук һәм Россия юстиция министры урынбасары Олег Свириденко белән очрашты. Анда Татарстан һәм Россия Юстиция министрлыгы арасындагы хезмәттәшлекне үстерү, шулай ук төбәк суд экспертизасы үзәгенең «Юстиция кварталы» проектын гамәлгә ашыру мәсьәләләре турында фикер алыштылар.
60 илнең вәкиле һәм егермегә якын илче Россия илчелеге Япониядә оештырган БРИКС саммитына багышланган чарада катнашты. Россиянең Токиодагы илчесе Николай Ноздрев БРИКСның ролен һәм әһәмиятенә бәйле фикерләре белән уртаклашты, шулай ук Татарстан башкаласында узган саммит йомгаклары турында сөйләде.
Казанның «Мәскәү» мәдәни үзәгендә «Казань за СВОих» дигән беренче ачык гуманитар форумы ачылды. Чара махсус хәрби операциядә катнашучыларга ярдәм оештыруны камилләштерү өчен бер мәйданчыкта волонтерларны, хакимият, бизнес вәкилләрен берләштерде.
Көндезге чыгарылыш
Бүген Казан Дәүләт университетының 220 еллыгына багышланган чаралар дәвам итә. Университетның утырышлар залында Идел буе федераль округы югары уку йортлары ректорлары советы утырышы бәйрәмгә старт бирде.
«Экология» илкүләм проекты буенча Татарстанда 21 миллиард 600 миллион сумлык эш башкарылган. Россия Президенты Владимир Путин кушуы буенча «Экология» илкүләм проекты 2030 елга кадәр озайтылды. Ул «Экология иминлеге» дип атала.
Татарстан Мәгариф һәм фән министрлыгы Белоруссиядә “Татар мәгърифәте көннәре”н үткәрде. Делегация составына министрлык вәкилләре, Казан федераль университеты, республика Мәгариф үсеше институты галимнәре, Казан һәм Чаллы мәгариф оешмалары җитәкчеләре керде.
Кичке чыгарылышлар
Яшел Үзәнпроект-конструкторлыкбюросы диңгез һәм елга судноларын проектлау өлкәсендә әйдәп баручы предприятиеләрнең берсе.БухактаТатарстан рәисе Рөстәм Миңнеханов «Яшел Үзән проект-конструкторлык бюросы» акционерлык җәмгыятенең 75 еллыгы уңаеннан уздырылган тантаналы чарада белдерде.
Бүген Казан дәүләт универсиетының 220 еллыгына багышланган чаралар дәвам итә. Университетның төп бинасы ишегалдында 1804 елда университет төзү турындагы указга кул куйган император Александр I бюстын ачу тантанасы булды. Анда Россия Мәгариф һәм фән министры Валерий Фальков катнашты.
Татарстан Мәгариф һәм фән министрлыгы Белоруссиядә “Татар мәгърифәте көннәре”н үткәрде. Делегация составына министрлык вәкилләре, Казан федераль университеты, республика Мәгариф үсеше институты галимнәре, Казан һәм Чаллы мәгариф оешмалары җитәкчеләре керде.
Россия Хөкүмәте Рәисе урынбасары Дмитрий Чернышенко Казанда футболны үстерү үзәгенең төзелеш мәйданчыгында булды. Татарстан Рәисе Рөстәм Миңнеханов белән берлектә, вице-премьер объект төзелеше барышын бәяләде.
Казан федераль университеты — алдынгы белем бирү һәм фәнни үзәк кенә түгел, ә республиканың һәм илнең югары дәрәҗәдәге профессионаллар әзерләүче стратегик ресурсы да. Бу хакта Татарстан Премьер-министры Алексей Песошин Казан федераль университеты Гыйльми советының киңәйтелгән утырышында белдерде.
Җиденче чакырылыш Татарстан Дәүләт Советының бишенче утырышы 28 ноябрьдә була. Парламент Президиумы утырышында шундый карар кабул ителде. Бишенче утырышта 19 мәсьәлә, шул исәптән 9 республика законы проекты каралачак.
