Иртәнге чыгарылыш
Татарстан РәисеРөстәмМиңнехановФән һәм техника өлкәсендә дәүләт премиясен бирү турындагы Указга кул куйды.
2024 елның 25 декабреннән 2025 елның 8 гыйнварына кадәр Татарстанда янгынга каршы махсус режим гамәлдә булачак. Тиешле карарны Татарстан Премьер-министры Алексей Песошин имзалады. Бу чорда куркынычлыкның өченче классы пиротехникасын куллануга чикләүләр кертү күздә тотыла.
Татарстан Дәүләт Советы Рәисе, «Бердәм Россия» партиясенең Татарстан төбәк бүлеге Секретаре Фәрит Мөхәммәтшин Дмитрий Медведевның төбәк иҗтимагый кабул итү бүлмәсендә гражданнарны кабул итте. Казанда яшәүче Диләрә Нуриева парламент җитәкчесенә һөнәри юнәлешләрне өйрәнү буенча аерым проект булдыру инициативасы белән мөрәҗәгать итте. Ул урта һәм өлкән сыйныф укучылары өчен предприятиеләргә, республиканың дәүләт һәм муниципаль учреждениеләренә экскурсияләр оештырырга тәкъдим итте.
Көндезге чыгарылыш
Татарстан Рәисе Рөстәм Миңнеханов Катарга эш сәфәре вакытында Катар Әмире Тамим бин Хәмәд Әл Тани белән очрашты. Ул Катар компанияләрен Татарстандагы инвестиция проектларында катнашырга чакырды. Аерым алганда, үзара кызыксыну булган кайбер конкрет юнәлешләр турында фикер алышынды. Рөстәм Миңнеханов шулай ук Берләшкән Гарәп Әмирлекләре вице-президенты Мансур Ибн Зәйд Әл Нәхәйян белән әңгәмә корды.
Татарстан Премьер-министры Алексей Песошин республиканың «Ел юристы» 2024 юридик премиясен һәм Габриэль Шершеневич исемендәге Бөтенроссия юридик премиясен тапшыруга багышланган тантаналы чарада катнашты.Тантана Казан федераль университетының төп бинасында узды.
Санкт-Петербургта илнең һөнәри белем бирү өлкәсендәге иң зур вакыйга – «Профессионаллар» чемпионаты финалы узды. Финалда Татарстан җыелма командасын 68 компетенциядә 69 конкурсант һәм 69 эксперт тәкъдим итте. Алар 34 медаль яулады: шулардан — 11 алтын, 12 көмеш һәм 11 бронза медальләр.
Кичке чыгарылышлар
Татарстан Премьер-министры Алексей Песошин республиканың «Ел юристы» 2024 юридик премиясен һәм Габриэль Шершеневич исемендәге Бөтенроссия юридик премиясен тапшыруга багышланган тантаналы чарада катнашты.Тантана Казан федераль университетының төп бинасында узды.
Санкт-Петербургта илнең һөнәри белем бирү өлкәсендәге иң зур вакыйга – «Профессионаллар» чемпионаты финалы узды. Финалда Татарстан җыелма командасын 68 компетенциядә 69 конкурсант һәм 69 эксперт тәкъдим итте. Алар 34 медаль яулады: шулардан — 11 алтын, 12 көмеш һәм 11 бронза медальләр.
Татарстаннан махсус хәрби операциядә катнашучылар һәм аларның гаилә әгъзаларына да төрле ярдәм чаралары оештырыла. Алар турында тулырак брифингта Хезмәт, мәшгульлек һәм социаль яклау министры Эльмира Зарипова сөйләде.
Республика Дәүләт Советының соңгы утырышында мәгариф турында федераль законның 67 һәм 78 маддәләренә үзгәрешләр кертү мәсьәләсе каралды. Закон проекты гомуми белем бирү оешмаларына укырга кергәндә чит ил балаларының рус телен белү дәрәҗәсенә тест узуны мәҗбүри итеп куя. Дәүләт Советы Рәисе Фәрит Мөхәммәтшин бу уңайдан журналистларга фикерләрен белдерде.
Татарстаннан махсус хәрби операциядә катнашучылар һәм аларның гаилә әгъзаларына да төрле ярдәм чаралары оештырыла. Алар турында тулырак брифингта Хезмәт, мәшгульлек һәм социаль яклау министры Эльмира Зарипова сөйләде.
Питрәч районы Көек бистәсендә «Елмаю» дигән өченче балалар бакчасы ачылды. Мәктәпкәчә яшьтәге учреждениене ачуда рсепублика Мәгариф һәм фән министры Илсур Һадиуллин катнашты. Ул мәктәпкәчә учреждение җитәкчесенә компьютер җиһазлары алу өчен 150 мең сумлык сертификат тапшырды.
