Иртәнге чыгарылыш
2024 елның октябрендә Казанда узган саммиттан соң, БРИКС оешма буларак ныгыды. Бу хакта Россия тышкы эшләр министры Сергей Лавров Россия дипломатиясенең узган елгы эшчәнлеге йомгакларына багышланган матбугат конференциясендә әйтте.
Казан Кремлендә 2024 елда волейбол буенча Россия Кубогын яулаган «Динамо-Ак Барс» хатын – кызлар волейбол клубын хөрмәтләү тантанасы узды. Татарстан Рәисе Рөстәм Миңнеханов спортчыларны, тренерларны һәм команда хезмәткәрләрен дәрәҗәле исем яулаулары белән котлады.
Мәскәүдә VIII чакырылыш Россия Федераль Җыены Дәүләт Думасының сигезенче сессиясе ачылды. Язгы сессиянең беренче пленар утырышында Татарстан Дәүләт Советы Рәисе Фәрит Мөхәммәтшин видео элемтә аша катнашты.
Көндезге чыгарылыш
Татарстан Рәисе Рөстәм Миңнеханов Казан һәм Татарстан митрополиты Кирилл белән очрашты. Республика Рәисе билгеләп үткәнчә, Раштуаны бәйрәм иткәндә мондый очрашулар традициягә әйләнде. Рөстәм Миңнеханов Татарстанның православие динен тотучыларын бу якты бәйрәм белән янә бер кат котлады.
Иртәгә, 16 гыйнварда күренекле дин галиме, мәгърифәтче һәм тарихчы Шиһабетдин Мәрҗанинең тууына 207 ел тула. Әлеге уңайдан татар-мөселман җәмәгатьчелеге галимне искә алу өчен аның кабере янына җыелачак. Очрашу Казан шәһәренең Яңа бистә зиратында узачак.
Татарстан Авыл хуҗалыгы һәм азык-төлек министрлыгы крестьян-фермер хуҗалыклары арасында «Гаилә фермерлары династиясе» конкурсын игълан итте. Катнашуга гаризалар 16 гыйнвардан 24 гыйнварга кадәр кабул ителә.
Кичке чыгарылышлар
Татарстанда гаиләләргә ярдәм системалы нигездә төзелгән. Беренче чиратта ул күп балалы һәм аз керемле гаиләләргә, инвалид балалы гаиләләргә ярдәм итүгә юнәлдерелгән. Бу хакта республика Хезмәт, мәшгульлек һәм социаль яклау министрлыгы коллегиясе утырышында ведомство җитәкчесе Эльмира Зарипова белдерде.
Иртәгә, 16 гыйнварда күренекле дин галиме, мәгърифәтче һәм тарихчы Шиһабетдин Мәрҗанинең тууына 207 ел тула. Әлеге уңайдан татар-мөселман җәмәгатьчелеге галимне искә алу өчен аның кабере янына җыелачак. Очрашу Казан шәһәренең Яңа бистә зиратында узачак.
Татарстан Авыл хуҗалыгы һәм азык-төлек министрлыгы крестьян-фермер хуҗалыклары арасында «Гаилә фермерлары династиясе» конкурсын игълан итте. Катнашуга гаризалар 16 гыйнвардан 24 гыйнварга кадәр кабул ителә.
2025 елда Татарстанда 12 илкүләм проекты старт алды, алар 46 төбәк проектыннан тора. Бу хакта республика Премьер-министры урынбасары — икътисад министры Мидхәт Шаһиәхмәтов республика Министрлар Кабинетында узган брифингта белдерде. Проектларны республика дәрәҗәсендә гамәлгә ашыруны контрольдә тотуны һәм координацияләүне төбәк проект офисы гамәлгә ашыра, аңа Татарстан Премьер-министры Алексей Песошин җитәкчелек итә.
15 февральгә кадәр 2025 елгы Татарстан Республикасының Габдулла Тукай исемендәге Дәүләт премиясенә гаризалар кабул ителә. Премия, гадәттәгечә, бөек татар шагыйре Габдулла Тукайның туган көнендә Татарстан Республикасы Рәисе тарафыннан тапшырыла.
Татарстанда гаиләләргә ярдәм системалы нигездә төзелгән. Беренче чиратта ул күп балалы һәм аз керемле гаиләләргә, инвалид балалы гаиләләргә ярдәм итүгә юнәлдерелгән. Бу хакта республика Хезмәт, мәшгульлек һәм социаль яклау министрлыгы коллегиясе утырышында ведомство җитәкчесе Эльмира Зарипова белдерде.
