Иртәнге чыгарылыш
2025 елда Татарстанда 12 илкүләм проекты старт алды, алар 46 төбәк проектыннан тора. Бу хакта республика Премьер-министры урынбасары — икътисад министры Мидхәт Шаһиәхмәтов республика Министрлар Кабинетында узган брифингта белдерде. Проектларны республика дәрәҗәсендә гамәлгә ашыруны контрольдә тотуны һәм координацияләүне төбәк проект офисы гамәлгә ашыра, аңа Татарстан Премьер-министры Алексей Песошин җитәкчелек итә.
15 февральгә кадәр 2025 елгы Татарстан Республикасының Габдулла Тукай исемендәге Дәүләт премиясенә гаризалар кабул ителә. Премия, гадәттәгечә, бөек татар шагыйре Габдулла Тукайның туган көнендә Татарстан Республикасы Рәисе тарафыннан тапшырыла.
Татарстанда гаиләләргә ярдәм системалы нигездә төзелгән. Беренче чиратта ул күп балалы һәм аз керемле гаиләләргә, инвалид балалы гаиләләргә ярдәм итүгә юнәлдерелгән. Бу хакта республика Хезмәт, мәшгульлек һәм социаль яклау министрлыгы коллегиясе утырышында ведомство җитәкчесе Эльмира Зарипова белдерде.
Көндезге чыгарылыш
Татарстан Рәисе Рөстәм Миңнеханов Мәскәүдә Евразия халыклары ассамблеясе Генераль секретаре Андрей Бельянинов белән очрашты. Яклар киләчәктә хезмәттәшлек, төбәкара һәм халыкара дәрәҗәдә багланышларны үстерү мәсьәләләре буенча фикер алыштылар.
Татарстан Рәисе Рөстәм Миңнеханов үзенең телеграм-каналында республика халкын «Бөек Җиңүгә 80 ел» рәсми каналына язылырга өндәде. Бу канал Бөек Ватан сугышында Җиңүнең 80 еллыгына багышлана.
Татарстанның Дәүләт Киңәшчесе Минтимер Шәймиев «Теләкләр чыршысы» акциясенә кушылды. Ул чыршыдан өч баланың открыткасын алды һәм аларның теләкләрен якын арада чынга ашырырга вәгъдә итте.
Кичке чыгарылышлар
Татарстан Рәисе Рөстәм Миңнеханов Казанда «Планетаның сыек углеводородлар запасларын рациональ үзләштерү» Бөтендөнья дәрәҗәсендәге фәнни үзәгенең Халыкара күзәтүчеләр советы утырышын уздырды.
Татарстан Рәисе Рөстәм Миңнеханов Казан федераль университеты каршындагы Шиһабетдин Мәрҗани исемендәге 2 нче татар гимназиясенең яңа корпусында булды. Аны Казан мэры Илсур Метшин, республика мәгариф һәм фән министры Илсур Һадиуллин, Татарстан Дәүләт Советы Рәисе урынбасары Марат Әхмәтов озатып йөрде. Республика Рәисе янәшәдә урнашкан табигый-математик фәннәрне тирәнтен өйрәнүче 2 нче лицей-интернатта булды.
Казанда «Ярдәм » хәйрия фондының узган елгы эшчәнлегенә йомгак ясалды. Журналистлар белән эшлекле кичке аш вакытында оешма җитәкчеләре шулай ук 2025 елга планнары белән дә уртаклаштылар.
Татарстан Рәисе Рөстәм Миңнеханов Казанда «Планетаның сыек углеводородлар запасларын рациональ үзләштерү» Бөтендөнья дәрәҗәсендәге фәнни үзәгенең Халыкара күзәтүчеләр советы утырышын уздырды.
Татарстан Рәисе Рөстәм Миңнеханов Казан федераль университеты каршындагы Шиһабетдин Мәрҗани исемендәге 2 нче татар гимназиясенең яңа корпусында булды. Аны Казан мэры Илсур Метшин, республика мәгариф һәм фән министры Илсур Һадиуллин, Татарстан Дәүләт Советы Рәисе урынбасары Марат Әхмәтов озатып йөрде. Республика Рәисе янәшәдә урнашкан табигый-математик фәннәрне тирәнтен өйрәнүче 2 нче лицей-интернатта булды.
Узган алты елда барлык дәрәҗәдәге бюджетлардан Татарстанда табигатьне саклау чараларына 72 миллиард сумга якын акча юнәлдерелгән. Шуның 41 млрд сумнан артыгы – республика предприятиеләре ярдәме. Бу хакта республика экология һәм табигый байлыклар министрлыгының йомгаклау коллегиясендә министр Александр Шадриков белдерде.
