Харрас Әюпов. “Биш вакыт намаз”. Радиокомпозиция.
Бүген бөтендөнья мөселманнары изге Рамазан ае тәмамлануын – Ураза Гаетен билгеләп үтә. Барлык мөселман кардәшләребезне шушы күркәм вакыйга белән котлап, игътибарыгызга күренекле шагыйрь Харрас Әюпнең “Биш вакыт намаз” дигән поэмасы буенча эшләнгән радиокомпозиция тәкъдим итәбез. Шигырьләр Татарстанның халык артисты Ирек Баһман язмасында яңгырый.
Гомәр Сәйфетдин. “Беренче намаз”. Хикәя.
Тапшыруның икенче өлешендә игътибарыгызга төрек язучысы Гомәр Сәйфетдиннең “Беренче намаз” дигән хикәясе тәкъдим ителә. Аны Бикә Рәхимова тәрҗемә иткән. Хикәя Татарстанның халык артисты Луара Шакирҗан башкаруында яңгырый.
“Хуш, сау бул, айларның солтаны!” Әдәби-музыкаль композиция.
Тоткан уразаларыбыз кабул булсын, дигән теләктә тапшыруыбызны башлап җибәрәбез. Бүген бөтен Ислам дөньясы Рамазан гаетен билгеләп үтә. Хәзер без сезне “Хуш, сау бул, айларның солтаны!” дигән әдәби-музыкаль композиция тыңларга чакырабыз. Без аны дини эчтәлектәге шигырьләрдән һәм җырлардан төзедек.
