Әйе, бәйрәм бүген, бәйрәм бүген! Радио көне! Тапшыруыбыз башында ук без сезне шушы күркәм бәйрәм белән котлыйбыз, чөнки бу сезнең белән уртак бәйрәмебез, хөрмәтле радиотыңлаучылар! Без сез булган өчен эшлибез! Сездән килеп ирешкән котлаулар, тапшыруларыбызга карата килеп ирешкән фикерләр безгә көч өсти, дәрт бирә. Бүгенге тапшыруыбыз да сезне битараф калдырмас дип уйлыйбыз.
Бәйрәм студиясенә кунак итеп без Татарстан радиосында эшләп халык мәхәббәтен яулаган, безнең һәр тыңлаучыбызга таныш шәхесне чакырдык. Әдәбият галиме, профессор, Татарстанның һәм Россиянең атказанган мәдәният хезмәткәре, язучы, нәфис сүз остасы Фоат Галимуллин бүген бездә кунакта.
