Танылган шагыйрь, галим, үзенең шигырьләренә композитор буларак та үзенчәлекле аһәңгә ия булган күп кенә көйләр язган, күпкырлы иҗат иясе Хәнәфи Бәдигый әсәрләреннән төзелгән “Яран гөл” дигән әдәби-музыкаль композиция тыңларга чакырабыз.
Тапшыруның икенче өлешендә радиобызның алтын фондыннан бик кадерле бер язма тәкъдим итәбез. Күренекле язучыбыз Афзал Шамов тавышын ишетербез. Заманында танылган язучы Татарстан радиосына килепе үзенең “Кыз урлау” дигәзн әсәреннән бер өзек укыган. Язучының якты рухын искә алып шушы язманы бергәләп тыңлыйк.
