Казан дәүләт аграр университеты мәйданчыгында “Бакча нигьмәтләре һәм йөзем” дигән төбәкара күргәзмә узды. Анда Татарстан районнарыннан һәм башка төбәкләрдән оста бакчачылар җыйналды. Күргәзмәдә безнең якларда үсә торган күп төр җиләк-җимеш тәкьдим ителде. Казанлыларны тагын нәрсәләр белән сөендерделәр? Бу хакта киләсе репортажда.
Радик Шәкүров 20 ел элек йөк машинасы йөртүче һөнәрен бакчачы һөнәренә алыштырган. Ульяновский өлкәсендәге хуҗалыгында 80 төп йөзем утырта. Башта җиңел булмый,әлбәттә. Тәҗрибәле бакчачылардан өйрәнә, ә хәзер үзе башкаларны йөзем үстерү серләренә өйрәтә. Бакчасында 500 ләп төр йөзем үстерә.
Аларның һәркайсы – үз эшенең остасы. Яраткан эш мавыктыра, курыкмаска кирәк, ди Казандагы бакчачылар клубы рәисе Ленар Әхмәтов.
Элек йөземне көньякта гына үсә дип саныйлар иде. Осталар хәзерге алдынгы технологияләрне кулланып, безнең шартларда да йөзем үстереп булуын дәлилләделәр.Наил Хәмидуллин университет бакчасында йөзем питомнигы булуы белән горурлануын яшерми. Биредә студентлар йөзем үстерү серләрен үзләштерә.
Мелиораторлар да йөзем үстерү нечкәлекләрен белә. Быелгы җәй яңгырлы, коры еллар да күп булды. Йөзем үстерүчеләр дәүләт программасы ярдәмендә сугару яки скважина бораулау җиһазларын сатып алуга субсидиядән файдаланалар.
Казан аграр университетын тәмамлаган танылган җырчы Илсаф та йөзем үстерү белән мавыгып киткән. Бакчасында берничә йөзем куагын үстерә. Уңыш та мул.
Күргәзмә көтелгәннән дә уңышлырак булды. Осталар йөзем үстерү серләре белән уртаклашты, яшьләр арасында йөзем үстерү белән кызыксынучылар артты. Хәзер республикада якынча 50 гектарда йөзем игелә.
Фәнис Мөхәммәтов. Дмитрий Второв, Фәрит Җәләли, Татарстан яңалыклары.
