Татарстан Дәүләт Советының унөченче утырышы узды. Көн тәртибенә, парламент Президиумы карары нигезендә, 19 мәсьәлә кертелгән иде.
Тулырак хәбәрчеләребез язмасында.
Утырыш эшендә Татарстан Республикасы Рәисе Рөстәм Миңнеханов, республика Премьер-министры Алексей Песошин, РФ сенаторлары һәм Дәүләт Думасы депутатлары, Хөкүмәт әгъзалары, профильле министрлыклар һәм ведомстволар, муниципаль берәмлекләр җитәкчеләре катнашты.
Татарстан Рәисе Рөстәм Миңнеханов указы белән Татарстан Цифрлар министрлыгының яңа башлыгы итеп Илья Начвин билгеләнде. Ул ведомство белән 2019 елдан җитәкчелек иткән Айрат Хәйруллинны алмаштырды.
Татарстан Дәүләт Советы Рәсим Баксиковның депутат вәкаләтләрен вакытыннан алда туктатты. Россия Герое Рәсим Баксиков Татарстан Республикасы Хезмәт, халыкны эш белән тәэмин итү һәм социаль яклау министры урынбасары вазифасына билгеләнде.
Шулай ук Светлана Захарова да депутатлык вәкаләтләрен вакытыннан алда туктатты. Социаль сәясәт буенча парламент комитеты рәисе, Татарстанда балалар хокуклары буенча вәкаләтле вәкил итеп билгеләнде. Светлана Захарованы балалар омбудсмены итеп билгеләргә Татарстан Рәисе Рөстәм Миңнеханов тәкъдим итте.
Утырыш барышында Парламентарийлар өч елга Татарстан Республикасының җәмәгать судьяларын сайлады.
Парламент Президиумы карары нигезендә Беренче укылышта
оешмалар мөлкәтенә салым, кече һәм урта эшмәкәрлекне үстерү, автомобиль юллары һәм юл эшчәнлеге , түләүсез юридик ярдәм күрсәтү , «Хезмәт ветераны» исемен бирү тәртибе һәм шартлары, халыкка адреслы социаль ярдәм, фән һәм фәнни эшчәнлек кебек көнүзәк темаларга кагылышлы закон проектлары каралды. Җир кодексына үзгәрешләр кертүне күздә тоткан закон проекты беренче укылышта кабул ителде һәм Бу закон Казанда һәм Чаллыда яшәүче күп балалы гаиләләрнең федераль закон нигезендә бирелә торган җир кишәрлеге урынына акчалата компенсация алу хокукын күздә тота.
Мөршидә Җиһан. Татарстан яңалыклары.
