Татарстан Республикасы Диния нәзарәте Россия ислам институты белән берлектә “XIVнче Якупов укулары”н уздырды. Төбәкара конференция быел Апанай мәдрәсесенең 225 еллыгына багышланды.
Чара Мәрҗәни мәчетендә башланып китте. Биредә пленар утырыш барышында Вәлиулла хәзрәтне, аның төрле юнәлештә булган эшчәнлегеннән тыш, барлык татар дин галимнәре турында да фикер алышынды, дини мәгариф үсешенә игътибар бирелде. Елда мәдрәсә, дини уку йортлары, югары уку йортлары остазлары, шәкертләре катнаша. Биредә татар тарихына, милләтебезгә күренеле шәхесләрнең барлыгын онытмаска нәсыйхәтләнә.
Чара барышында “Таян Аллаһка” әдәби конкурсына йомгак ясап, җиңүчеләр билгеләнде. Әлеге конкурсны башлап җибәрүче дә Вәлиулла хәзрәт Якупов була.
Якупов укуларының икенче өлешендә секцияләргә бүленеп эшләделәр. Бер төркем катнашучылар «Апанай» мәдрәсәсенә агылды. Бу аңлашыла да, 14нче Якупов укулары «Апанай» мәдрәсәсенең 255 еллыгына багышланды.
Якупов укуларында мөгалимнәр тарихны, мирасны өйрәнүнең төп әһәмиятен җиткерде. Мәдрәсәдә күп кенә яшьләр укый, шул исәптән мәктәп балалары да, Коръәнне яттан өйрәнәләр. Яшь буынның тартылуы сөндерә ди мөгалимнәре. Төрле юнәлештә дәресләр алып барыла, ислам дине нигезләре, милли мөһиткә дә зур игътибар бирелә.
Һәр халыкның үз кыйбласы. Бер хәдистә болай диелә:»Аллаһ матур һәм матурлыкны ярата», шуңа да мөселман халкы матурлыкны күңеле белән күреп, тирә-юньгә тарата белергә тиеш. Мәдрәсәдә исә моны яхшы беләләр. Биредәге дәресләр, остаханәләр Аллаһның сүзенә, Коръәнгә мәхәббәт уятырга юл булып тора.
Алия Галиуллина, Ленар Хәбибуллин, Данил Жданов, Татарстан яңалыклары.
