Казанда «Многоликая Россия» журналистларының 16нчы Бөтенроссия конкурсы узды. 20 төбәктән журналистлар әлеге бәйгенең җиңүчеләре дип табылды. Ә моңа кадәр панель дискуссия кысаларында массакүләм мәгълүмат чараларында героизм һәм ватанпәрвәрлекне яктырту темасы буенча фикер алыштылар.
Ел саен конурста катнашучылар саны арта. Быел илебезнең 55 төбәгеннән ике йөздән артык эш кабул ителгән. Иң яхшыларның авторлары Казанга мөһим темалар турында фикер алышырга җыелды. Очрашуда Ва
тан Геройлары батырлыгын массакүләм мәгълүмат чараларында яктырту темасы күтәрелде.
Очрашу модераторы Татарстанда Россия дәүләт телерадиокомпаниясеның үз хәбәрчесе Алмаз Хәкимов иде. Россия дәүләт телерадиокомпаниясеның сәяси күзәтүчесе Александр Христенко региональ журналистканың мөһимлеген аерым билгеләп үтте.
Хәрби хәбәрченең көнкүреше турында Екатеринбургтан майор Кирилл Кирягин сөйләде. Россиянең яңа төбәкләрендә яшәүчеләрнең махсус операциядә катнашулары һәм батырлыгы турында тарихлар белән хәрби комиссар Григорий Кубатьян һәм Луганск Халык Республикасы газетасы мөхәррире Юлия Черепнина уртаклашты.
Вакыйгалар урынында булган журналистларга ышанырга кирәк. Ә менә ясалма интеллект белән булдырылган контент сораулар тудыра. Аларга артык күп фейклар тупланган. Россия журналистларының интеллекты һәм таланты тарафыннан булдырылган иң яхшы эшләрне билгеләп үттеләр.
Юлия Черепнина бүләкләнүчеләр арасында «Басма матбугат чараларында мәкаләләр саны» номинациясендә җиңде. «Телепроект» номинациясендә беренче урынны «Татарстан» дәүләт телерадикомпаниясе вәкиле Эльмира Җәләева телекомпания тарихында беренче тапкыр татар телендә оештырылган реалити-шоу беренче урынны яулады, анда шәһәр һәм авыл кызлары урыны белән алмашынып, яңа урыннарда яшәп карый.
Җиңүчеләр арасында 20 төбәк вәкилләре, алар милли традицияләр һәм төрле төбәкләрнең шәхесләре турында талантлы һәм мавыктыргыч итеп сөйләде. Туган илнең гүзәллеген һәм үзенчәлеген күрсәттеләр. Әлеге бәйгедә фотоэшләр дә каралды. Россия халыкларының төрле телләрдә сөйләшүләренә карамастан, максаты бер — гореф-гадәтләрне саклап калу һәм, барлык кыенлыкларны җиңеп, Россия халкын бәхетле итү.
Алия Галиуллина, Инна Данилова, Альберт Сафиуллин, Данил Жданов, Татарстан яңалыклары.
