Заманында «Ленин» исемендәге колхозны миллионер иткән Тәлгать Гыйниятуллин үз районы һәм авылында гына түгел республикада да билгеле шәхес. Аның исемен мәңгеләштерү тантанасыннан хәбәрчебез Мөршидә Җиһан репортажы.
Аның исеме Татарстан Республикасынының «Татар энциклопедия сүзлеге»ндә дә күренекле шәхес буларак лаеклы урын алган. Остаз, алыштыргысыз җитәкчегә рәхмәтле булучылар әнә ни чаклы.
Тәлгать абый, ә аны барысы да нәкъ менә шулай атап йөргән. Игенче, җир кешесе, үз җиренең хуҗасы иде ул. 28 ел буе Яшел үзән районын Ленин исемендәге колхозының җитәкчесе.
Туган як, туган җир мәнгафәтен кайгыртып яшәүче, туган туфракка берегеп, халыкка хезмәт итуче, җан җылысын авылдашларына, колхозда эшләүчеләргә биргән җитәкче дип сөйләде аның турында һәрбер чыгыш ясаучы .
Чыннан да теләсә кайсы җитәкчене, барыннан да элек, аның эшләре бәяли.
Бүгенге көнгә кадәр, үз эшлэренә тугры калып, эшләүчеләрне бүләкләү дә гадәткә кергә мондый чараларда. Бүләкләнүчеләр арасында Тәлгать Гыйниятуллин тәкъдиме белән мәктәп директоры булып эшли башлап, әле дә фидакарләрчә дәвам итүче Венера Гарипова да бар.
Татарстан Республикасы авыл хуҗалыгы һәм азык-төлек министрлыгы исеменнән котлап чыгыш ясаган Дамир Миннебаев, бер чорда эшлэгэн хезмэттэше Азат Хәнифәтуллин үз туган төбәгендә җитәкче булган кеше генә авылдашларның яшәешен сулышына кадәр белеп тора дип искәртте.
Тәлгать абыйның исемен мәңгеләштерүне максат итеп, тантаналы чараны оештыручы энесе Әсгать Батталов чыгышы да бик тәэсирле булды.
Тәлгать абыйның сыйныфташы, авыл советы сәркатибе булып эшләгән 90 яшьлек Фидалия апа авыл халкы исеменнән рәхмәтләрен җиткерергә урыннан гына сүз алды.
Тәлгать абый Гыйниятуллинның эшендәге уңышлары күп санлы хөкүмәт бүләкләре белән дә бәяләнгән булган , әмма хезмәтенә күрә халык, якташлары, туганнары хөрмәте аның исемен мәңгеләштерә.
Мөршидә Җиһан . Ленар Хәбибуллин Татарстан яңалыклары
