Дини гыйлем өйрәнү юлында мөгаллимлек аеруча әһәмиятле. Бу эштә бигрәк тә вәгазь сөйли белү зур осталык таләп итә. Шушы җәһәттән Россия һәм Татарстан мөслимәләр берлеге вәгазь кичәсе оештырды. Дини мәҗлестән Мөршидә Җиһан репортажы.
Мөслимләр берлеге тарафыннан айга бер тапкыр җыелып, матур мәҗлесләр үткәрү күркәм гадәткә керде.
Вәгазь кичәсенең төп кунагы Равил хәзрәт Бикбаев. Ислам динендә вәгазь-хөтбә сөйләүнең гасырлар буена килгән тәҗрибәсе аның үзен дә баеткан.
Чыннан да вәгазьләр тормышыбызда очраган төрле хәлләрне, төшенчәләрне ачыклый, начарлыктан тыеп, яхшылыкка омтылып яшәргә ярдәм итә.
Вәгазь янында мөнәҗәт әйтүче дә булуы гаҗәп түге, чөнки бүгенге заманда абыстайлар — төрле юнәлештә тәҗрибәсе, белеме булган, халык белән эшли белүчеләр. Алар — остаз. остаз абыстайларга кичә барышында истәлекле бүләкләр дә тапшырылды.
Ни дисәң дә, ихлас мөселимәләр тәгам ризыгын гына түгел, җан азыгын эзләүне дә һәрдаим кайгырта, иманны ныгыту өчен барча мөмкинлекләрне дә файдаланырга тырыша.
Мөршидә Җиһан, Владимир Юрков Татарстан яңалыклары
