Дөньякүләм “Татарча диктант” акциясе татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү максатыннан үткәрелә.
Һәр теләгән кеше дә, диктант язуда катнашып, татар телен белү дәрәҗәсен тикшереп карый ала. 10нчы тапкыр оештырылучы акция татарның мәшгүр шәхесе Каюм Насыйрига багышлана, 14нче ноябрьдән алып 16сына кадәр «Татарча диктант»ка кушылырга мөмкин.
