Иртәнге чыгарылыш
Алабуга дәүләт музей-тыюылыгында “Төньяк Евразиянең бронза һәм тимер гасырлардагы археологиясе” дигән темага Бөтенроссия конференциясе ачылды. Аны Татарстан Фәннәр Академиясе Россия Фәннәр академиясенең археология институты белән берлектә оештырды. Конференция эшендә якын чит илләрдән, Россия төбәкләреннән фәнни- тикшеренү институтлары галимнәре катнаша.
Татарстанда интернет аша караклык очраклары арткан. Бу хакта эчке эшләр министрлыгының җинаятьчеләрне эзләү идарәсенең аеруча мөһим эшләр буенча оперуполномоченные Рәдис Йосыпов «Татар-информ» агентлыгында узган матбугат конференциясендә әйтте.
Казан белән Краснодар шәһәрләре арасында туры даими авиарейс ачыла. Бу хакта Казан Халыкара аэропорты матбугат хезмәте хәбәр итте. Атнага өч тапкыр – сишәмбе, пәнҗешәмбе һәм шимбә көннәрендә – 220 пассажир урынлы уңайлы самолетлар оча башлый.
Көндезге чыгарылыш
Россия Президенты Владимир Путин Казахстан делегациясен киләсе елда мәгариф министрларының Казанда узачак «Киләчәкне формалаштырып» җыенына чакырды. Бу хакта Владимир Путин Россия һәм Казахстан төбәкара хезмәттәшлеге форумының пленар утырышында әйтте.
Россиядә күп фатирлы һәр йорт 2025 ел ахырына кадәр MAX илкүләм мессенджерында чат булдырырга тиеш. Россия төзелеш һәм ТКХ министры Ирек Фәйзуллин Федерация Советы каршындагы торак төзелеше һәм торак-коммуналь комплексын үстерүгә ярдәм итү мәсьәләләре буенча Совет утырышында шул турыда әйтте.
Татарстан Фәннәр академиясе президенты Рифкать Миңнеханов Түбән Кама химия-технология институтында һәм «СИБУРИНТЕХ-НК»инженер-техник экспертиза үзәгендә булды. Ул югары уку йорты белән җитештерүчеләр арасындагы хезмәттәшлекнең уникаль тәҗрибәсен билгеләп үтте.
Кичке чыгарылышлар
Татарстан Рәисе Рөстәм Миңнеханов Кытайның Ханчжоу шәһәренә эш сәфәре белән килде. Ул Чжэцзян провинциясе вице-губернаторы Лу Шань белән очрашты.
Татарстан Рәисе Рөстәм Миңнеханов Кытайның LinGin компаниясе штаб-фатирында булды. Компания ясалма интеллект өлкәсендә алдынгы технологияләрне хәзерләү һәм гамәлгә кертү буенча махсуслашкан. Рөстәм Миңнехановка автомобиль тармагында кулланылучы яңа технология казанышлары турында сөйләделәр.
Татарстан Рәисе Рөстәм Миңнеханов Кытайның Ханчжоу шәһәренә эш сәфәре белән килде. Ул Чжэцзян провинциясе вице-губернаторы Лу Шань белән очрашты, Чжэцзян провинциясе җитәкчелеген һәм бизнес-даирә вәкилләрен «РОСТКИ: Россия һәм Кытай — үзара файдалы хезмәттәшлек» Халыкара форумында катнашу өчен Казанга чакырды.
Татарстан Рәисе Рөстәм Миңнеханов Кытайның Ханчжоу шәһәрендә Чжэцзян провинциясе вице-губернаторы Лу Шань белән очрашты, LinGin компаниясе штаб-фатирында булды, Чжэцзян провинциясе җитәкчелеген һәм бизнес-даирә вәкилләрен «РОСТКИ: Россия һәм Кытай — үзара файдалы хезмәттәшлек» Халыкара форумында катнашу өчен Казанга чакырды.
Республика Премьер-министры урынбасары – авыл хуҗалыгы һәм азык-төлек министры Марат Җаббаров Яшел Үзән районындагы «Зеленая Дача» предприятиесендә булды. Предприятие 2008 елдан бирле эшли, яшелчә , җиләк-җимешне төргәкләргә бүлеп, сәүдә челтәрләренә, кафе, рестораннарга, шулай ук төбәкнең иң зур предприятиеләре ашханәләренә җибәрә.
Лениногорскида «Каһарман әтисе» күргәзмәсе ачылды. Экспозициядә махсус хәрби операциядә катнашучыларның дәүләт бүләкләренә лаек булган әтиләренең портретлары тәкъдим ителгән, ул Татарстанның төрле районнарын колачлый.
