Иртәнге чыгарылыш
Татарстан Министрлар Кабинетында 2025 елда юл эшләре программасын үтәү һәм юл төзү оешмаларының кышкы чорга хәзерлегенә багышланган брифинг узды. Анда республика транспорт һәм юл хуҗалыгы министры Фәрит Хәнифов чыгыш ясады. Ул билгеләп үткәнчә, быел Татарстанның төбәк һәм җирле автомобиль юлларында 82,2 млрд сумлык төзекләндерү эшләре башкарылган, бу акчаның 7,9 млрд сумы федераль бюджеттан.
Казан федераль университеты «Приоритет-2030» дәүләт программасы буенча үсеш программаларын гамәлгә ашыру өчен 830 млн сумлык грант алачак. Ул Россиянең 13 алдынгы югары уку йорты арасына кергән.
«Ростех» дәүләт корпорациясе Россиянең сигез университеты белән партнерлык килешүләре төзеде. Бу исемлектә Казан илкүләм тикшеренү технология университеты — КАИ да бар.
Көндезге чыгарылыш
Татарстан хөкүмәте йортында Премьер-министр Алексей Песошин рәислегендә «Татэнерго» АҖ директорлар советының чираттагы утырышы узды. Анда компаниянең быелның тугыз аендагы эшчәнлегенә йомгак ясалды. Компаниянең 9 айдагы табышы 49,9 млрд сум тәшкил итә, бу узган ел күрсәткечләреннән 16 процентка югарырак.
Башкалабызның Пирамида мәдәни – күңел ачу үзәгендәТатарстанның халык артисты, «Татарстан» радиосына ярты гасырдан артык гомерен багышлаган музыкаль тапшырулар редакциясенең элеккеге җитәкчесе Рафаэль Ильясовка багышланган китапны тәкьдим итү кичәсе узды. Әлеге китап “Җыен” фондының атаклы кешеләргә багышланган “Шәхесләребез” сериясендә дөнья күрде.
Әгерҗе районы мәдәният сараенда атаклы шагыйрь, танылган җырлар авторы, Татарстан радиосының элеккеге әдәби хезмәткәре Ләбиб Айтугановны искә алу кичәсе узды. Әдип Әгерҗе районының Нарат авылында туып үскән.
Кичке чыгарылышлар
Татарстан Рәисе Рөстәм Миңнеханов «Татарстанның эшлекле партнерлары» 18нче җыенының пленар утырышында катнашты. Ул милли мәдәниятне саклауга һәм үстерүгә зур өлеш кертүчеләргә, җәмәгать эшендә актив катнашучыларга Татарстанның дәүләт бүләкләрен тапшырды.
28 ноябрьд, Татарстан Дәүләт Советының «Мәрхәмәт-Милосердие» хатын-кыз депутатлар берләшмәсе республикада Кеше хокуклары буенча вәкаләтле вәкил белән берлектә, хәрби хезмәткәрләргә һәм аларның гаиләләренә ярдәм итү, аларның хокукларын саклау, социаль, хокукый, медицина ярдәме күрсәтү, түләүләр, ташламалар алу, тернәкләндерү мәсьәләләре буенча «Хатын-кыз игътибары» телефон линиясен үткәрә.
Татарстанда грипп белән авыручылар саны арткан. Узган атнада шундый 114 очрак теркәлгән. “Роспотребнадзор”ның Татарстандагы идарәсе җитәкчесе урынбасары Любовь Авдонина «Татар-информ» агентлыгында узган матбугат конференциясендә әнә шулай дип белдерде.
Татарстан Рәисе Рөстәм Миңнеханов «Татарстанның эшлекле партнерлары» 18нче җыенының пленар утырышында катнашты. Ул милли мәдәниятне саклауга һәм үстерүгә зур өлеш кертүчеләргә, җәмәгать эшендә актив катнашучыларга Татарстанның дәүләт бүләкләрен тапшырды.
28 ноябрьд, Татарстан Дәүләт Советының «Мәрхәмәт-Милосердие» хатын-кыз депутатлар берләшмәсе республикада Кеше хокуклары буенча вәкаләтле вәкил белән берлектә, хәрби хезмәткәрләргә һәм аларның гаиләләренә ярдәм итү, аларның хокукларын саклау, социаль, хокукый, медицина ярдәме күрсәтү, түләүләр, ташламалар алу, тернәкләндерү мәсьәләләре буенча «Хатын-кыз игътибары» телефон линиясен үткәрә.
Татарстанда грипп белән авыручылар саны арткан. Узган атнада шундый 114 очрак теркәлгән. “Роспотребнадзор”ның Татарстандагы идарәсе җитәкчесе урынбасары Любовь Авдонина «Татар-информ» агентлыгында узган матбугат конференциясендә әнә шулай дип белдерде.
