Бүген – 1 декабрь, кышның тәүге көне. Календарь буенча кыш булса да, урамда җылы, кар да күренми әле. Көтәбез, сабыр итәбез, кары да, салкыны да, бураны да, Яңа ел могҗизалары да булыр!
Могҗиза дигәннән, үз тырышлыклары белән хыялларын тормышка ашыра алучылар күп арабызда. Шундый максатчан яшүсмерләр өчен күптән түгел Алдынгылар хәрәкәтенең беренчел бүлекләре арасында ТР Рәисеннән Грант конкурсы башланып китте. Анда катнашыр өчен документларны 15 декабрьгә кадәр тапшырырга кирәк. Димәк, белмәгәннәр өчен алдагы әңгәмәбез бик актуаль булачак.
