Әйтик, Чирмешән районында бу уңайдан чаралар инде берничә көн элек үткәрелә башлаган. Волонтёрлык өлкәсендә муниципаль премия «Игелекле Чирмешән-2025» волонтер эшчәнлеген гамәлгә ашыруда нәтиҗәләр ясалды.
Премиягә барлыгы 92 гариза бирелгән, 53 икенче этапка узган. Җиңүчеләрне бүләкләү тантанасында “Татарстан Республикасы волонтерлар мәгълүмати-ресурс үзәге” коммерцияле булмаган автоном оешма башкарма директоры Айрат Мөбәрәкшин, Татарстан Республикасы Чирмешән муниципаль районы башлыгы — Рамил Айбатов, районның 16 авыл җирлеге башлыклары, оешма җитәкчеләре, волонтерлар отрядлары җитәкчеләре, мәктәп активистлары, барлыгы 250 кеше катнашты.
Шулай ук чарага Чирмешән муниципаль районында волонтёрлык үсешенә зур өлеш кертүчеләргә дә бүләкләр тапшырдылды. Әлеге премия тапшыру танатанасы Чирмешән җирлегендә икенче тапкыр үткәрелә. Проект район башлыгы Рамил Тәлгать улы Айбатов кул астында уза. Нәкъ менә аның ярдәмендә ел саен артистларны чакыру, сыннар, дипломнар әзерләүдә тулысынча матди ярдәм күрсәтелә. Быел Чирмешән районы иң беренчеләрдән булып волонтерлар көнен билгеләп үтте. Сүз уңаеннан, 120 дән артык кеше бүләккә лаек булды 15 катнашучы премиядә җиңүче, тагын 15се лауреат дип табылды. Волонтёрлар көне ел саен 5нче декабрьдә үткәрелә. Әлеге мәрхамәтле эштә үз өлешен керткән һәрбер катнашучыга изге теләктә калабыз.
Алия Галиуллина, Альмир Җораев, Татарстан яңалыклары, Чирмешән районы.
