Тапшыруыбызның бүгенге чыгарылышында игътибарыгызга “Чорлар һәм җырлар” сәхифәсенең чираттагы чыгарылышы тәкъдим ителә. Ул Бөек Ватан сугышы елларында татар музыка сәнгате үсешеннә багышлана.
Ил язмышы кыл өстендә торган шушы сыналу елларында җырлар да алгы сафка басып, азатлык өчен көрәшкә күтәрелә. Танылган музыка белгече Йолдыз Исәнбәтнең сүзләренчә, 1941-1945 елларда 12 яңа опера, куела. Дүрт елга – 12 премьера! Әле бит, опера әсәрләреннән тыш, композиторлар тарафыннан никадәр җырлар, романслар иҗат ителә, фронтта да, тылда да яңа халык җырлары, такмаклар, бәетләр чыга. Җыеп әйткәндә, Бөек Ватан сугышы елларындагы татар музыкасы турында без, йөгерек кенә сөйләп үтсәк тә, бер тапшыруга гына сыешмабыз. Шуңа күрә бу зур темага берничә тапшыру багышларга булдык.
