Изге Болгарда 18 май көнне Идел Болгарында Ислам динен кабул итү көненә багышланган «Изге Болгар җыены» тантаналы чарасы узачак. Ул «Россия — Ислам дөньясы: KazanForum» XVI Халыкара икътисадый форумының мәдәни программасының финал өлеше булачак. Бу хакта ТР Мәдәният министрлыгы матбугат хезмәте хәбәр итә.
Чарада Рәис Рөстәм Миңнеханов, Татарстан Республикасы Хөкүмәте вәкилләре, Россия регионнарыннан делегатлар, ил һәм чит ил мөселманнарының дини идарәләре вәкилләре, шулай ук «Россия — Ислам дөньясы: KazanForum» XVI Халыкара икътисадый форумында катнашучылар һәм бөтен илдән һәм дөньядан мөселман җәмгыятьләре вәкилләре катнашыр дип көтелә.
Будьте в курсе актуальных событий! Вступайте в Telegram-канал Вести Татарстан, подписывайтесь на наш Дзен, группу в ВК и ОК
