Гомерләрен татар теле һәм әдәбиятын укуытуга багышлаган, укучылары күңелендә туган телгә мәхәббәт тәрбияләүче укытучылар һәм бакча тәрбиячеләре турында сөйләвебезне дәвам иттерәбез.
Узган тапшыруда Балтач районы Нөнәгәр авылында яшәүче Зәйнәп әби 143 мәктәп укучыларын оныгы Хәкимнең туган көненә чакырган иде. Димәк, яңа дәресебезнең темасы: «Без кунакка барабыз!» Кунакта үзеңне ничек тотарга кирәк? Укучылар бүләккә нәрсә алачак? Бу турыда тапшыруны тыңлагач белерсез.
Студиябездә кунакта — Казан шәһәре 143 мәктәп укучылары һәм аларның укытучылары, татар теле һәм әдәбияты укытучысы Тәнзилә Шамил кызы Галимуллина.
