Татарстан Республикасы Рәисе Рөстәм Миңнеханов Дәүләт Советына 2026 елга Юллама белән мөрәҗәгать итте.
Татарстан Рәисе Рөстәм Миңнеханов парламентка еллык юллама белән чыкты. Нинди бурычлар куела, нинди яңалыклар бар? Юллама нинди фикерләр уяткан – бу хакта хәбәрчебез күзәтүендә.
Салих Сәйдәшев исемендәге Зур концертлар залына илтүче юлда аерым җанлылык сизелә. Рәсми чарага килүчеләр аның республика үсеше өчен мөһимлелген аңлый. Татарстанның беренче Президенты, Дәүләт Киңәшчесе Минтимер Шәймиев өчен дә әлеге көн зур әһәмияткә ия. Татарстан Рәисе Рөстәм Миңнеханов та Юлламага кадәрге юлда. Бар да гадәттәгечә. Барысы ды әзер.Татарстан Рәисе Рөстәм Миңнеханов Юлламаны Татарстан, гомумән алганда, Россиянең куәте, мөмкинлекләре турында фикерләр белән башланды.
Башлангычларыбызны һәм проектларыбызны гамәлгә ашыруда системалы төстә ярдәм итүләре өчен без илкүләм лидерыбыз – Россия Президенты Владимир Владимирович Путинга һәм Россия Федерациясе Хөкүмәтенә рәхмәтле дип дәвам итте чыгышын Татарстан Рәисе. Шулай ук Бөек Ватан сугышында Җиңүнең 80 еллыгын билгеләп үтү елын ассызыклап Татарстанда тантаналы чаралар узуын, Ватанны саклаучылар истәлегенә һәйкәлләр, бюстлар һәм мемориаль такталар төзекләндерелүе һәм яңалары ачылуы турында сөйләде. Махсус хәрби операция зонасында батырлык һәм кыюлык белән хәрби бурычларын үтәгәннәре өчен 17 татарстанлы мәртәбәле Россия Герое исеменә лаек булган. Ватан өчен һәлак булган һәркем бер минут тынлык белән искә алынды.
Дәүләт сәясәтендә элеккечә үк республиканың милли һәм дини берләшмәләре белән нәтиҗәле һәм үзара файдалы элемтәләр урнаштыру, милләтләр һәм диннәр арасында тынычлыкны һәм татулыкны саклау өчен кирәкле шартларны тудыру юнәлешләренә өстенлек бирелә. Соңгы елларда республикада төрле конфессияләрнең мөһим 40 дини объекты торгызылды.
14 сентябрьдә Татарстанда бик мөһим иҗтимагый-сәяси вакыйга – Татарстан Республикасы Рәисен һәм җирле үзидарәнең вәкиллекле органнары депутатларын сайлау булып узды. Гражданлык бурычын үтәүчеләргә ышанычларын аклауга бөтен тырышлыгын куячагын белдерде. Шунысын да искәртеп узыйк. Сайлау кампаниясе барган вакытта республика программаларын һәм муниципаль программаларны гамәлгә ашырганда исәпкә алынырга тиешле күп кенә тәкъдимнәр бирелде.
Россия Президенты Владимир Владимирович Путин йөкләмәсе нигезендә булдырылган Балаларның һәм яшьләрнең «Беренчеләр хәрәкәте» бөтенроссия иҗтимагый-дәүләт хәрәкәте кысаларында актив эш алып барылун да искәртте. Республикасы Рәисе билгеоләп үҗтүенчә Яшьләрнең барлык категорияләре белән системалы һәм комплекслы эш алып баруны дәвам итәргә, патриотик тәрбия бирүгә аеруча зур игътибар бирергә кирәк.
Бөтендөнья татар конгрессы үз эшчәнлеге кысаларында киләсе елны Габдулла Тукай елы дип игълан итү тәкъдиме белән чыкты. Мин әлеге тәкъдимне хуплыйм дип белдерде Рөстәм Миңнеханов.
Мөршидә Җиһан. Татарстан яңалыклары.
