Иртәнге чыгарылыш
Татарстан Рәисе Рөстәм Миңнеханов Указы белән Чистайдагы «Восток» сәгать заводына республиканың «Хезмәт батырлыгы предприятиесе» дигән мактаулы исеме бирелде. Документта предприятиенең 1941-1945 еллардагы Бөек Ватан сугышында Җиңүгә керткән зур өлеше, массакүләм хезмәт батырлыгы һәм фидакарьлеге билгеләп үтелә.
2026 елда Татарстанда гомуми мәйданы 3,8 млн квадрат метр булган 706 күп фатирлы торак йортны капиталь төзекләндерү планлаштырыла. Бу максатларга 9 миллиард сумнан артык акча билгеләнгән. Республика Министрлар Кабинетының бу турыдагы карарын Премьер-министр Алексей Песошин имзалады.
Татарстан «Игелекле эшләр марафоны» Бөтенроссия акциясенә кушылды. Марафонның максаты – махсус хәрби операциядә катнашучыларның гаиләләренә ярдәм итү. Татарстанда күп кенә чаралар уза.
Көндезге чыгарылыш
Лаеш районында Татарстан Дәүләт Советының торак сәясәте һәм инфраструктура үсеше комитетының күчмә утырышы булды. Анда республикада коммуналь инфраструктураны заманчалаштыру программасын гамәлгә ашыру мәсьәләләре каралды.
Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыевның Россия Федерациясенең Дубайдагы генераль консулы Максим Владимиров белән очрашты. Әңгәмәдә Татарстан һәм Берләшкән Гарәп Әмирлекләре арасында мәдәни, мәгариф элемтәләрен көчәйтү мәсьәләләре күтәрелде.
Казан мэры Илсур Метшин 2025 елның II кварталында Татарстан Республикасы җитәкчеләренең медиа нәтиҗәлелеге рейтингы лидеры булды. Медиа нәтиҗәлелек рейтингында икенче урында — Түбән Кама башкарма комитеты җитәкчесе Радмир Беляев, өченче урында — Әлмәт районы башкарма комитеты җитәкчесе Гүзәл Хәбетдинова.
Кичке чыгарылышлар
Татарстан Рәисе Рөстәм Миңнеханов Яшел Үзәндәге яңа «Кайгырту йортында» булды. Анда өлкән буын һәм сәламәтлек мөмкинлекләре чикләнгән кешеләр тәрбияләнә. Бу хакта Татарстан Рәисе МАХ каналында язган.
ТатарстанМәгариф һәм фән министрыИлсурҺадиуллинюгары уку йортлары укытучыларын югары мәктәп укытучылары көне белән котлады.Бәйрәм19 ноябрьдә, атаклы галим Михаил Ломоносовның туган көнендәбилгеләпүтелә.
«Россия тимер юллары» һәм Татарстан Республикасының Самарадагы Фән һәм технологияләр фонды инновация проектлары конкурсларын оештыру һәм уздыру өлкәсендә хезмәттәшлек турында килешү имзалады. Документка Россия тимер юллары филиалы — Куйбышев тимер юлы җитәкчесе Вячеслав Дмитриев һәм Татарстан Фән һәм технологияләр фонды директоры Тимур Халитов кул куйды.
Яшел Үзәндә «Турбина» дигән яңа сәнәгать паркы мәйданчыгында газ турбинасы җайланмаларын җитештерү — ремонтлау буенча югары технологияле завод ачылды. Проект «АМКОР»дәүләт корпорациясе тарафыннан гамәлгә ашырылды. Чарада Татарстан Рәисе Рөстәм Миңнеханов һәм Яшел Үзән муниципаль районы башлыгы Михаил Афанасьев катнашты.
Татарстан Рәисе Рөстәм Миңнеханов Яшел Үзәндәге өлкәннәр һәм сәламәтлек мөмкинлекләре чикләнгән кешеләр өчен яңа ачылган «Кайгырту йорты» нда булды. Интернат-йортны быел октябрь аенда «Гаилә» илкүләм проектының «Өлкән буын» федераль программасы буенча ачтылар.
Татарстан балалар бакчаларында сыйфатлы туклануны тәэмин итүгә 2026 елда 622 миллион сумга якын акча бүлеп биреләчәк. Әлеге акча Арча, Әтнә, Балтач, Югары Ослан, Биектау, Зеленодольск, Кайбыч, Лаеш, Питрәч һәм Теләче районнары балалар бакчалары өчен каралган.
