Татарстан мөслимәләр берлеге “Җәннәт – әниләрнең аяк астында” дип аталган республика күләмендә чара оештырды. өнәҗәт, хәдис, вәгазь кебек дини чыгышлар белән үрелеп барган Әниләр мәҗлесеннән Мөршидә Җиһан репортажы.
Татарстан мөселманнары диния нәзарәтенең хатын-кызлар белән эшләү бүлеге җитәкчесе Наилә Җиһаншина сүзләренчә әниләргә хөрмәт мәҗлесе бер генә көн белән генә чикләергә тиеш түгел.
Һәркемнең тормышында иң изге кеше ул – әни. Ничә яшьтә булсак та, безне сабый бала кебек кайгыртып, безнең өчен ут йотып яшәүче дә– әни дип башлады сүзен баш казый Җәлил хәзрәт. Белгәнебезчә, ислам динендә әниләребез хакы иң зур хаклардан. Изге Коръәнебездә дә аларга кадер-хөрмәт күрсәтү турында сүрәләр шактый.
Җәлил хәзрәрт әниләргә үз китапларын да алып килгән. Шулай ук күпбалалы һәм уллары махсус хәрби операциядә катнашкан әниләргә татарстан мөслимәлә берлеге исеменнән бүләкләр тапшырылды.
Туарына бер көн кала сабый Аллаһы Тәгаләдән сорый икән:– Ул дөньяга мин ник киләм?– Мин сиңа фәрештә җибәрәм, ул сиңа барысын да аңлатыр.– Ә мин аны ничек аңлармын соң?– Ул сине үз теленә өйрәтер.– Фәрештәмнең исеме ничек була? – Син аңа Әни диячәксең. Әнә шундый бик мәгънәле хәдисләр дә ядгырады мәҗлес барышында.
Гөлназ гафурова җитәкчелегендә килгән Казан баалалар филармониясненең яшь артистлары чыгышы да әниләргә зур бүләк булды.
Күпбалалы әниләр янына әле әни булу бәхетенә ирешергә теләүче яшь туташлар да чакырылган.Һәрбер ата-ана үз баласының шатлык-сөенечләр китерүен һәм нәсел дәвамчысы булуын, шулай ук картлык көнендә газизләре турында кайгыртучанлык күрсәтүен тели. Җәннәт – әниләрнең аяк астында дигәнне дә аларга изгелек кыла алсак, җәннәткә керергә юл ачыла дип аңларга кирәк.
Мөршидә ҖиҺан , Данил Ждано
в Татарстан яңалыклары
