Татарстан Республикасы Президенты каршындагы татар телен саклау һәм үстерү мәсьәләре коммиссиясе игьлан иткән Туган телне популярлаштыру өчен Хөкүмәт гранты булдырылды. Шушы көннәрдә әлеге грантка ия булучылыр билгеле булды. Алар арасында Теләче районы Алан гомуми белем бирү мәктәбе дә бар. 500 меңлек грант откан белем йортында хәбәрчебез Ләлә Зәйнулллина да булып кайтты.
Эшкә йөрү белән эшләргә йөрүнең аермасын аңлата торган замана җитте. Ләкин мәгариф системасы элеңке-салыңкы йөри торган тармак түгел. Шул ук вакытта матди-техник базаны һәрдаим яңартып тору да мөһим. Уку йортларына, мөгаллимнәргә күбрәк ярдәм итү өчен, республикада төрле программалар бар. Әмма тулысынча ана телебездә белем бирүче, энҗе-мәрҗәннәргә тиң мәктәпләр күп түгел. Алан урта мәктәбе шул сирәкләрнең берсе. Мәктәпнең горурланырлык тарихы һәм үз даны бар. Татарстанның иң яхшы 100 авыл мәктәбе исемлегенә дә кергән алар. Туган телне популярлаштыру өчен Хөкүмәт грантына ия булулары да күп еллык тырыш хезмәт нәтиҗәсе.
Илсур Гайбадуллин Алан урта мәктәбе директоры
Биредә үз ана телебездә белем биреп, милли, зыялы, конкурентлыкка һәм аралашуга сәләтле, үз-үзенә җаваплылык алып эшли белүче, әхлаклы балалар тәрбияләүне максат итеп куйганнар.
Гөлфия Шәйхетдинова уку-укыту буенча директор урынбасары
Мәктәп укучылары иҗат дулкынында тирбәләләр. үзләре хикәя, әкият, шигырь иҗат итә. Нәтиҗәләре дә куанычлы. “Илһам” иҗади бәйгесендә ел саен уңышлы чыгыш ясыйлар
Гүзәлия Җамалиева авыл мәдәният йорты җитәкчесе
Республикакүләм, халыкара олимпиадалары җиңүчеләре, Клара Булатова исемендәге премия лауреатлары да алар. Мәликә Гыйльманова 2 ел рәттән Халыкара туган тел олимпиадасы җиңүчесе. Сәет Кәримов “Җәлил укулары” лауреаты.
2017 елдан башлап мәктәп “Географик диктант” Халыкара мәгърифәт акциясен үткәрүдә мәйданчык булып тора.
Альбина Хәсәнова Алан урта мәктәбенең тәрбия эшләре буенча директор урынбасары
Алан мәктәбе укучыларының әдәбият-сәнгать түгәрәкләренә йөрүләре киләчәктә үзләренә кирәк булыр әле. Шулай да мәктәпнең үрнәк итеп куярлык эшчәнлеге – физика, химия, математика кебек төгәл фәннәрне татар телендә укулары.
Мәктәп укучылары иҗат дулкынында тирбәләләр. үзләре хикәя, әкият, шигырь иҗат итә. Нәтиҗәләре дә куанычлы. “Илһам” иҗади бәйгесендә ел саен уңышлы чыгыш ясыйлар.
Әлеге мәктәпне тәмамлаган укучылар Казан, Прага, Берлин университетларында белем ала, үзләрен креатив индустриядә, фәндә, инженер һөнәрләрендә таба.
Алан мәктәбенең республикабызда 1,5 меңнән артык милли мәгариф учреждениеләре арасында иң яхшы егерме оешма исемлегендә булуы зур дәрәҗә, шул ук вакытта киләчәктә тагын да зуррак максатлар куеп эшләргә сәбәп тә.
Ләлә Зәйнуллина, Таһир Хәсәнов, Татарстан яңалыклары. Теләче районы.
