Иртәнге чыгарылыш
Татарстан Дәүләт Советы Рәисе Фәрит Мөхәммәтшин Мордовия башкаласы Саранскида Идел буе федераль округының Закон чыгару органнары ассоциациясе эшендә катнаша. Утырышта хөкем ителгәннәрне һәм элеккеге тоткыннарны социаль адаптацияләү турындагы федераль законны гамәлгә ашыру мәсьәләсе үзәк урынны алып торачак.
Татарстанда волонтерлык эшчәнлегендә катнашучыларга ярдәм чаралары исемлеге расланды. Республика Министрлар Кабинетының бу хактагы карарын Премьер-министр Алексей Песошин имзалады.
Әлмәт шәһәре иҗтимагый үзәгендә «Татнефть» хәйрия фондының «Рухият» программасы буенча нәшер ителгән китапларны тәкъдим иттеләр. 2024 елда «Татнефть» хәйрия фонды ярдәме белән 13 китап басылган. «Рухият» нәшриятында 1997 елдан башлап татар, рус, чуваш һәм инглиз телләрендә гомуми тиражы 497 меңгә якын 260тан артык китап дөнья күргән.
Көндезге чыгарылыш
Татарстан Рәисе Рөстәм Миңнеханов Мәскәүдә Россия Федерациясе Президенты каршындагы Стратегик үсеш һәм илкүләм проектлар советы утырышында катнашты. Аны Россия Президенты Владимир Путин уздырды. Утырышта 2025-2030 елларга Россия Федерациясе илкүләм үсеше турындагы мәсьәлә каралды.
Республикада инвалидлар ункөнлеге дәвам итә. Россия Дәүләт Думасы һәм Татарстан Дәүләт Советының бер төркем депутатлары, шулай ук парламент Аппараты хезмәткәрләре «Симург» инклюзив үзәгендә булып, хәйрия спектаклен карадылар. Билетлар сатудан кергән акча «Симург» инклюзив үзәген үстерү һәм анда шөгыльләнүчеләргә ярдәм итүгә юнәлдереләчәк.
Менделеев шәһәрендә Ватан өчен гомерләрен биргән геройларның дан аллеясе ачылды. Анда каһарманнарның исемнәре мемориаль такталарга чокып язылган. Шулай ук батыр хәрбиләр истәлегенә миләш һәм зәңгәр чыршы үсентеләре утыртылды.
Кичке чыгарылышлар
Татарстан Рәисе Рөстәм Миңнеханов хөкүмәт йортында Россия Федерациясе Федераль Җыены Дәүләт Думасы Рәисе урынбасары Анна Кузнецова белән очрашты. Алар туучы балалар санын арттыру буенча төбәк программаларын гамәлгә ашыру, гаилә кыйммәтләре институтын ныгыту мәсьәләләре, шулай ук махсус хәрби операциядә катнашучыларга һәм аларның гаиләләренә ярдәм чаралары турында фикер алыштылар.
Менделеев шәһәрендә Ватан өчен гомерләрен биргән геройларның дан аллеясе ачылды. Анда каһарманнарның исемнәре мемориаль такталарга чокып язылган. Шулай ук батыр хәрбиләр истәлегенә миләш һәм зәңгәр чыршы үсентеләре утыртылды.
Казан мәктәпләре укучыларын һәм педагогларын гомуми белем бирү фәннәре буенча халыкара олимпиадаларда җиңүләре өчен бүләкләячәкләр. Башкала мэры премияләрен түләү тәртибе турында Башкарма комитетның муниципаль актлары басмасында әйтелә.
Татарстан Рәисе Рөстәм Миңнеханов хөкүмәт йортында Россия Федерациясе Федераль Җыены Дәүләт Думасы Рәисе урынбасары Анна Кузнецова белән очрашты. Алар туучы балалар санын арттыру буенча төбәк программаларын гамәлгә ашыру, гаилә кыйммәтләре институтын ныгыту мәсьәләләре, шулай ук махсус хәрби операциядә катнашучыларга һәм аларның гаиләләренә ярдәм чаралары турында фикер алыштылар.
Татарстан Рәисе Рөстәм Миңнеханов Бәхрейн Корольлегенең Россия Федерациясендәге Гадәттән тыш һәм Тулы вәкаләтле илчесе Әхмәт Абдулрахман Мәхмүт Исмаил Әл Саати белән очрашты.
Татарстан Рәисе Рөстәм Миңнеханов махсус хәрби операция зонасында батырларча һәлак булган подполковник Алексей Викторович Копуновның гаилә әгъзалары белән очрашты. Россия Федерациясе Президенты Указы нигезендә күрсәткән батырлыгы һәм каһарманлыгы өчен Алексей Копуновка, һәлак булганнан соң, Россия Федерациясе Герое исеме бирелде. Рөстәм Миңнеханов «Алтын Йолдыз» медален хәрби хезмәткәрнең әнисенә, тол хатынына һәм улына тапшырды.
