Иртәнге чыгарылыш
ӘзербайҗанПрезиденты ИлһамАлиев Бакудагы резиденциясендә Татарстан Рәисе Рөстәм Миңнехановныкабулитте. Татарстан Рәисе Әзербайҗанга чакырулары өчен рәхмәт белдерде. «Без дустанәРоссия-Әзербәйҗан мөнәсәбәтләре нигезендә сезнең илбеләнхезмәттәшлекнекиңәйтү мөмкинлеген югары бәялибез, соңгы елларда элемтәләрсизелерлек активлашты”, — дип ассызыклады Рөстәм Миңнеханов.
Әзербәйҗан Президенты Илһам Алиев Татарстан Рәисе Рөстәм Миңнехановка «Достлуг» — («Дуслык») орденын тапшырды. Әлеге орден Әзербәйҗан Республикасы белән чит дәүләтләр арасында дустанә, икътисадый һәм мәдәни багланышларны үстерүдәге аерым казанышлар, халыклар дуслыгын ныгытуга аерым өлеш керткән, илләр, төбәкләр арасында тынычлык һәм тотрыклылык урнаштырудагы казанышлар өчен, Әзербәйҗан һәм чит дәүләтләр гражданнары бүләкләнә.
Татарстан Дәүләт Советы Рәисе Фәрит Мөхәммәтшин Мәскәүдә Россия Федераль Җыены каршындагы Россия Закон чыгаручылар советы утырышында катнашты. Парламентарийлар, тармак министрлыклары һәм ведомстволары җитәкчеләре, фәнни, эксперт җәмәгатьчелеге вәкилләре коммуналь инфраструктураны заманчалаштыру, төбәкләрдә каты коммуналь калдыклар белән эш итү мәсьәләләре буенча фикер алыштылар
Көндезге чыгарылыш
Татарстан Рәисе Рөстәм Миңнеханов Үзбәкстанның Бохара өлкәсе хакиме Ботир Зарипов белән бергә, «Бохара сәнәгатен үстерү комплексы» паркы төзелеше мәйданчыгында булды. Татарстан Рәисе Бохара өлкәсе хакиме Ботир Зарипов белән очрашуда Россия-Үзбәкстан мөнәсәбәтләре нигезендә төбәкләр арасында хезмәттәшлекне ныгыту мөмкинлекләренә югары бәя бирде.
Ун ел эчендә республика икътисадына инвестицияләр күләме 2 тапкырдан күбрәккә арткан. Бу күрсәткеч буенча Татарстан Идел буе округында 1 нче урында һәм ил буенча 6 нчы урында тора. Бу хакта Казанда республика Инвесторлар клубы утырышында Татарстан Премьер-министры Алексей Песошин хәбәр итте.
Республика Премьер-министры Алексей Песошин республиканың барлык ЗАГС хезмәткәрләрен һөнәри бәйрәмнәре — Татарстан Республикасы гражданлык хәле актларын теркәү органнары хезмәткәрләре көне белән котлады.
Кичке чыгарылышлар
Татарстан Рәисе Рөстәм Миңнеханов Үзбәкстанга эш сәфәре вакытында Навои өлкәсе хакиме Нормат Турсунов белән очрашты. Алар «Навои сәнәгатен үстерү комплексы» махсус сәнәгать паркын төзү мәсьәләләре буенча фикер алыштылар.
Татарстан Хөкүмәте Йортында 2025 елда 19 нчы Россия венчур форумын әзерләү һәм уздыру буенча оештыру комитетының икенче утырышы узды. Аны Татарстан Премьер-министры Алексей Песошин үткәрде. Утырышта республика Фәннәр академиясе президенты Рифкать Миңнеханов катнашты.
Татарстанда Гаилә елында меңнән артык чара узган. Гаиләләргә ярдәм итүгә, гаилә кыйммәтләрен популярлаштыруга юнәлдерелгән эш дәвам итә. Бу хакта республика Хөкүмәте Йортында узган брифингта Премьер-министр урынбасары Ләйлә Фазлыева белдерде.
19 декабрьдә «Беренче канал», «Россия 1», «Россия 24», НТВ, ОТР һәм «Мир» телеканалларының, шулай ук «Маяк», «Вести FM» һәм «Россия радиосы» радиостанцияләренең турыдан-туры эфирында «Владимир Путин белән ел йомгаклары» махсус программасы трансляцияләнәчәк.
Татарстан Рәисе Рөстәм Миңнеханов республика хөкүмәте йортында Россия Федерациясе Генераль прокуроры урынбасары Николай Шишкин белән очрашты. Алар төбәк өчен актуаль булган кайбер юнәлешләр буенча хезмәттәшлек мәсьәләләре буенча фикер алыштылар.
23 декабрьдә җиденче чакырылыш Татарстан Дәүләт Советының алтынчы утырышы була. Анда республика парламенты рәисе Фәрит Мөхәммәтшин депутатларның быелгы эшенә йомгак ясаячак. Утырышның көн тәртибенә барлыгы 24 мәсьәлә, шул исәптән республиканың җиде закон проекты кертелде.
