Иртәнге чыгарылыш
19 декабрьдә «Беренче канал», «Россия 1», «Россия 24», НТВ, ОТР һәм «Мир» телеканалларының, шулай ук «Маяк», «Вести FM» һәм «Россия радиосы» радиостанцияләренең турыдан-туры эфирында «Владимир Путин белән ел йомгаклары» махсус программасы трансляцияләнәчәк.
Татарстан Рәисе Рөстәм Миңнеханов республика хөкүмәте йортында Россия Федерациясе Генераль прокуроры урынбасары Николай Шишкин белән очрашты. Алар төбәк өчен актуаль булган кайбер юнәлешләр буенча хезмәттәшлек мәсьәләләре буенча фикер алыштылар.
23 декабрьдә җиденче чакырылыш Татарстан Дәүләт Советының алтынчы утырышы була. Анда республика парламенты рәисе Фәрит Мөхәммәтшин депутатларның быелгы эшенә йомгак ясаячак. Утырышның көн тәртибенә барлыгы 24 мәсьәлә, шул исәптән республиканың җиде закон проекты кертелде.
Көндезге чыгарылыш.
Тиздән «Беренче канал», «Россия 1», «Россия 24», НТВ, ОТР һәм «Мир» телеканалларының, шулай ук «Маяк», «Вести FM» һәм «Россия радиосы» радиостанцияләренең турыдан-туры эфирында «Владимир Путин белән ел йомгаклары» махсус программасы трансляцияләнәчәк.
Казанда Идел буе дәүләт физик культура, спорт һәм туризм университетының 50 еллыгы уңаеннан чаралар узды. Тантанада Татарстан Премьер-министры Алексей Песошин катнашты. Ул университет коллективын республика Рәисе Рөстәм Миңнеханов һәм үз исеменнән котлады.
Татарстан Рәисе хакимияте җитәкчесе Әсхәт Сәфәров Республика контроль-хисап органнары Советының йомгаклау утырышында катнашты. Әсхәт Сәфәров Татарстан Рәисе Рөстәм Миңнеханов исеменнән республика Хисап палатасы коллективына тырыш хезмәтләре өчен рәхмәт белдерде. Ул хисап Палатасы Рәисе Алексей Демидовка Россия Федерациясе Хисап палатасының Мактау грамотасын тапшырды.
Кичке чыгарылыш
Хәзерге көнүзәк бурыч — махсус хәрби операцияне уңышлы тәмамлау. Бөтен ил Җиңүне тәэмин итү өчен мобилизацияләнгән. Бу хакта Татарстан Рәисе Рөстәм Миңнеханов республика муниципаль берәмлекләре советы ассоциациясенең XIX съездында белдерде. Анда шулай ук Дәүләт Советы Рәисе Фәрит Мөхәммәтшин, Премьер-министр Алексей Песошин катнашты.
Татарстан Рәисе Рөстәм Миңнеханов Казанга яңа маркалы троллейбуслар тапшыруда катнашты. Троллейбуслар Минск автомобиль заводында ясалган. Быел башкалабыз 39 яңа троллейбус алды.
Республика Хөкүмәте 2025 елга Татарстан Рәисе Рөстәм Миңнехановның Дәүләт Советына Юлламасын гамәлгә ашыру буенча комплекслы эш планын әзерләде. Документ Татарстан Министрлар Кабинеты карары белән расланган.
