Иртәнге чыгарылыш
Россиядә яшәүче халыклар телләренең дәүләт реестры булдырылачак.
Лаеш районы башлыгы Илдус Зарипов махсус хәрби операция зонасындагы якташ егетләргә Яңа ел гуманитар конвоен илтеп тапшырды.
12 гыйнвар көнне Әлмәт шәһәренең Җәмигъ мәчетендә I Республикакүләм Ислам китабы фестивале үтәчәк.
Көндезге чыгарылыш
Россия хөкүмәте «Гаилә ипотекасы» программасы буенча ярдәм чараларын әзерләгән. Министрлар Кабинетының Россия Президенты Владимир Путин катнашында узган киңәшмәсендә вице-премьер Марат Хөснуллин шулай дип белдерде.
Быел Бердәм дәүләт имтиханнарын тапшыру өчен гаризалар бирү 1 февральдә тәмамлана. Бу хакта Мәгариф һәм фән өлкәсендә күзәтчелек федераль хезмәте хәбәр итте.
Узган ел Татарстанда барлык авыл хуҗалыгы хайваннарын һәм йорт кошларын идентификацияләү төгәлләнгән. Татарстан Министрлар Кабинетының Баш ветеринария идарәсе җитәкчесе Алмаз Хисаметдинов «Татар-информ» агентлыгында узган матбугат конференциясендә шулай дип белдерде.
Кичке чыгарылышлар
Россия хөкүмәте «Гаилә ипотекасы» программасы буенча ярдәм чараларын әзерләгән. Министрлар Кабинетының Россия Президенты Владимир Путин катнашында узган киңәшмәсендә вице-премьер Марат Хөснуллин шулай дип белдерде.
Быел Бердәм дәүләт имтиханнарын тапшыру өчен гаризалар бирү 1 февральдә тәмамлана. Бу хакта Мәгариф һәм фән өлкәсендә күзәтчелек федераль хезмәте хәбәр итте.
Казанның коммерцияле булмаган оешмалары җитәкчеләре 15 гыйнварга кадәр «Игелекле эшләр шәһәре» премиясенә гариза җибәрә ала. Конкурста өч номинациядә җиңүчеләрне ай ахырында игълан итәчәкләр.
Татарстанда шәхси торак йортлар төзүгә бәйле мошенниклык схемасыннан зыян күрүчеләргә ярдәм күрсәтеләчәк. Бу мәсьәлә Республика Рәисе Рөстәм Миңнеханов контролендә тотыла.
1941-1945 еллардагы Бөек Ватан сугышы чорында Казанның эвакуация госпитальләрендә фронтта алган яралардан үлгән совет солдатлары хөрмәтенә куелган һәйкәл мәдәни мирас объектлары бердәм дәүләт реестрына кертелде. Һәйкәл Иске Татар зираты территориясендә урнашкан.
Быел яңа ел каникулларында Казанда ачык һавада узган бәйрәм чараларына килүчеләр саны арткан. Бу хакта шәһәр Мәдәният идарәсе җитәкчесе Азат Абзалов Татарстан Министрлар Кабинетында узган брифингта белдерде. Узган ел бәйрәм тамашаларын караучылар 500 мең кеше булса, быел 600 меңнән артып киткән.
