Иртәнге чыгарылыш
Эшләүче һәм эшләмәүче гражданнарның иминият пенсияләрен 2025 елның 1 гыйнварыннан 7,3 процентка индексацияләделәр. Алар тагын 2,2 процентка индексацияләнәчәк. Россия Президенты Владимир Путин йөкләмәсе нигезендә иминият пенсияләрен 9,5 процентка кадәр индексацияләү көтелә. 2025 елда картлык буенча пенсиянең уртача күләме 24 мең 262 сум булачак.
Казан Кремлендә «Стрела-Ак Барс» регби клубы коллективын –регби- 7 буенча 2024 елгы Россия чемпионын, Россия чемпионатының көмеш призерын, регби Россия Суперкубогы иясен хөрмәтләделәр. Татарстан Рәисе Рөстәм Миңнеханов команданы 2024 елгы уңышлы чыгышлары белән котлады.
Татарстан Дәүләт Советы Рәисе Фәрит Мөхәммәтшин «Кече Ватан — Россия көче» II Бөтенроссия муниципаль форумында катнашучыларны Республика Рәисе Рөстәм Миңнеханов, парламент, хөкүмәт исеменнән сәламләде. Чарада илнең 89 төбәгеннән 500гә якын делегат катнаша.
Көндезге чыгарылыш
Муниципалитетларның кадрлар базасын махсус хәрби операциядә катнашкан аеруча әзерлекле һәм ватанпәрвәр кешеләр ныгытырга тиеш. Бу хакта «Кече Ватан – Россия көче » II Бөтенроссия төбәк муниципаль форумының пленар сессиясендә Россия Президентының Идел буе федераль округындагы Тулы вәкаләтле вәкиле Игорь Комаров белдерде.
Татарстан Рәисе Рөстәм Миңнеханов Россия Федерациясе Дәүләт Думасының төзелеш һәм торак-коммуналь хуҗалык комитеты рәисе, «Уңайлы тормыш» юнәлеше координаторы Сергей Пахомов белән очрашты. Алар торак-коммуналь хуҗалык өлкәсендә федераль законнарны гамәлгә ашыруга кагылышлы мәсьәләләрне тикшерделәр.
Татарстан Халыклары дуслыгы йортында түгәрәк өстәл утырышында республикада миграция сәясәтен гамәлгә ашыру, миграция законнарына кагылышлы яңалыклар турында фикер алыштылар. Утырышны Дәүләт Советы Рәисе, Татарстан халыклары Ассамблеясе Рәисе Фәрит Мөхәммәтшин үткәрде.
Кичке чыгарылышлар
Татарстан Рәисе Рөстәм Миңнеханов хөкүмәт йортында «Росинкас» берләшмәсе президенты — идарәсе рәисе Василий Медведев белән очрашты. Алар киләчәктә төрле юнәлешләр, шул исәптән инкассаторлык хезмәтләре өлкәсендә хезмәттәшлек итү мәсьәләләре буенча фикер алыштылар.
Татарстан Халыклары дуслыгы йортында түгәрәк өстәл утырышында республикада миграция сәясәтен гамәлгә ашыру, миграция законнарына кагылышлы яңалыклар турында фикер алыштылар. Утырышны Дәүләт Советы Рәисе, Татарстан халыклары Ассамблеясе Рәисе Фәрит Мөхәммәтшин үткәрде.
Республика Эчке эшләр министрлыгында 2007 елда гамәлгә куелган «Закон территориясе» конкурсына йомгак ясалды. Тантанада Татарстан Премьер-министры Алексей Песошин, Эчке эшләр министры Дамир Сатретдинов катнашты.
Бүген Казан Кремлендә Бөек Ватан сугышы ветераннарына «1941-1945 еллардагы Бөек Ватан
сугышында Җиңүгә 80 ел» юбилей медальләре тапшырылды.
Республика Фәннәр академиясендә «Республика лаборатория мөдирләре мәктәбе»н тәмамлаучыларның гомуми җыелышы узды.
14 февраль көнне күренекле галим — мәгърифәтче, тарихчы, этнограф, әдәбиятчы, тел белгече Каюм Насыйриның тууына 200 ел тула. Әлеге дата уңаеннан “Культура” телеканалы бөек шәхеснең тормыш юлы һәм эшчәнлеге турында фильм әзерләгән.
