Иртәнге чыгарылыш
Татарстан Рәисе Рөстәм Миңнеханов Мәскәүдә Санкт-Петербург халыкара товар-чимал биржасы президенты Игорь Артемьев белән очрашты. Очрашуда билгеләп үтелгәнчә, хәзерге вакытта ислам дөньясы илләре белән нәтиҗәле хезмәттәшлекне үстерү өчен уңай алшартлар тудырылган.
Татарстан Рәисе Рөстәм Миңнеханов Мәскәүдә VK Технология Корпорациясе генераль директоры Владимир Кириенко белән дә очрашты. Хезмәттәшлекнең төрле юнәлешләре, аерым алганда, VK да татар телле сервисларны үстерү турында фикер алыштылар.
1 февральдән Татарстанда бала туганда бер тапкыр бирелә торган пособие күләме 26 мең 900 сумга кадәр артты.Бухакта Россия Социаль фондының Татарстандагы бүлеге идарәчесе Эдуард Вафин сөйләде.
14 февральдә «Культура» телеканалында «Соединяющий миры» дигән документаль фильм күрсәтеләчәк. Ул мәгърифәтче-галим Каюм Насыйриның 200 еллыгына багышлана.
Көндезге чыгарылыш
Татарстанда инвестиция климатның торышын яхшырту буенча чаралар исемлеге расланды. Бу турыда республика Министрлар Кабинеты карарына Премьер-министр Алексей Песошин кул куйды. 14 февральгә кадәр моның өчен җаваплы җитәкчеләр билгеләнәчәк, ә 1 апрельгә кадәр проектның яңа максатчан күрсәткечләрен яңадан карап, расларга кирәк.
14 февральдә татар мәгърифәтчесе, галим, сүзлекләр авторы Каюм Насыйриның 200 еллыгына багышлап, «Иршад әл-Әтбиха» китабы нигезендә күргәзмә эшли башлый. Күргәзмә Каюм Насыйри музеенда ачыла. Ул 17 мартка кадәр дәвам итәчәк.
Арча районы башлыгы Илшат Нуриев җитәкчелегендәге делегация махсус хәрби операциядә хәрби бурычларын үтәүче якташлары янына дүртенче тапкыр барып кайтты. Бу юлы якташларына «ГАЗ-66», «Шевроле-Нива» һәм «УАЗ» машиналарын илтеп тапшырдылар.
Кичке чыгарылышлар
Казанда Бәшир Рәмиев исемендәге Ай ти паркта Россия фәне көненә багышланган тантана узды. Анда республика Рәисе Рөстәм Миңнеханов катнашты. Чарада республиканың фән тармагы уңышлары турында видеофильм күрсәтелде.
Казанда ИТ-паркта «Станкин» Мәскәү дәүләт технология университеты һәм Татарстан Республикасы арасында хезмәттәшлек турында шартнамә имзаланды. Килешүгә университет ректоры Владимир Серебренный, Татарстан Премьер-министры урынбасары –сәнәгать һәм сәүдә министры Олег Коробченко кул куйдылар.
14 февральдә татар мәгърифәтчесе, галим, сүзлекләр авторы Каюм Насыйриның 200 еллыгына багышлап, «Иршад әл-Әтбиха» китабы нигезендә күргәзмә эшли башлый. Күргәзмә Каюм Насыйри музеенда ачыла. Ул 17 мартка кадәр дәвам итәчәк.
Казанда Бәшир Рәмиев исемендәге Ай ти паркта Россия фәне көненә багышланган тантана узды. Анда республика Рәисе Рөстәм Миңнеханов катнашты. Чарада республиканың фән тармагы уңышлары турында видеофильм күрсәтелде.
Татарстан Рәисе Рөстәм Миңнеханов һәм “Роснефть” компаниясе акционерлык җәмгыяте башкарма директоры Игорь Сечин хезмәттәшлек турында килешү имзаладылар. Документ импортны алмаштыруны үстерүне, яңа югары технологияле техника һәм технологияләр җитештерүне үзләштерү өлкәсендә якларның үзара хезмәттәшлеген күздә тота.
Татарстан районнарына төрле федераль программаларда катнашуга күбрәк игътибар бирергә кирәк. Бу хакта Республика Дәүләт Советы Рәисе Фәрит Мөхәммәтшин Тукай районы Советының 2024 ел йомгакларына багышланган утырышында белдерде. Ул игътибарны дәүләт программаларының, илкүләм проектларның федераль үзәктән һәм Татарстаннан финанслануына юнәлтте.
