Иртәнге чыгарылыш
Татарстан Рәисе Рөстәм Миңнеханов Согуд Гарәбстанының Җиддә шәһәрендә Ислам дөньясы мәдәният министрларының XIII конференциясендә катнашты һәм чыгыш ясады. Конференция Ислам хезмәттәшлеге оешмасы башлангычы белән мәгариф, фән һәм мәдәният мәсьәләләре буенча узды.
Татарстан Рәисе Рөстәм Миңнеханов мәгариф, фән һәм мәдәният мәсьәләләре буенча Ислам оешмасы генераль директоры Сәлим Бин Мөхәммәд Әл-Малик белән очрашты. Рөстәм Миңнеханов оешма җитәкчесенә «Россия – Ислам дөньясы” Казан халыкара икътисадый форумында, Казан Глобаль яшьләр саммитында катнашуы өчен рәхмәт белдерде.
Галиәсгар Камал исемендәге Татар дәүләт Академия театры 1 мартта яңа бинада беренче спектаклен күрсәтәчәк. Ул Айдар Җаббаровның шагыйрә Резеда Гобәеваның «Казанга Тукай кайткан» пьесасы буенча сәхнәләштерелгән спектакле
Көндезге чыгарылыш
Татарстан Рәисе Рөстәм Миңнеханов «Физик культура һәм спортны үстерү» комплекслы дәүләт программасын гамәлгә ашыру буенча Хөкүмәт комиссиясе составына кертелде. Бу турыда Россия Хөкүмәте карарын Премьер-министр Михаил Мишустин имзалады.
Татарстан Премьер-министры урынбасары Васил Шәйхразыев, Арча район башлыгы Илшат Нуриев районның Бөек Ватан сугышы һәм тыл ветераннарына «1941-1945 еллардагы Бөек Ватан сугышында Җиңүнең 80 еллыгы» юбилей медальләрен тапшырдылар.
Иртәгә, 14 февральдә мәгьрифәтче галим Каюм Насыйриның тууына 200 ел тула. Бүген Казан Федераль университетының филология һәм мәдәниятара коммуникацияләр институтында «Каюм Насыйри –галим, педагог, мәгьрифәтче» дигән темага фәнни-гамәли конференция ачылды.
Кичке чыгарылышлар
Татарстан Рәисе Рөстәм Миңнеханов “Казан Экспо” үзәгендә республика Авыл хуҗалыгы һәм азык-төлек министрлыгы коллегиясе утырышында катнашты. Коллегия агросәнәгать комплексының 2024 елгы эше йомгакларына һәм 2025 елга бурычларга багышланды.
Татарстан Рәисе Рөстәм Миңнеханов «Казан Агро 2025» агросәнәгать комплексы казанышлары күргәзмәсендә булды. «КазанАгро» — ел саен үткәрелә торган авыл хуҗалыгы күргәзмәсе, ул 300дән артык компанияне берләштерә, 12 меңнән артык кешене җыя.Экспозициядәүсемлекчелек, терлекчелек, азык-төлек, эшкәртү сәнәгате, техника өлкәсендәге яңа казанышлар тәкъдим ителгән.
Татарстан Премьер-министры урынбасары Васил Шәйхразыев, Арча район башлыгы Илшат Нуриев районның Бөек Ватан сугышы һәм тыл ветераннарына «1941-1945 еллардагы Бөек Ватан сугышында Җиңүнең 80 еллыгы» юбилей медальләрен тапшырдылар.
Татарстан Рәисе Рөстәм Миңнеханов “Казан Экспо” үзәгендә республика Авыл хуҗалыгы һәм азык-төлек министрлыгы коллегиясе утырышында катнашты. Коллегия агросәнәгать комплексының 2024 елгы эше йомгакларына һәм 2025 елга бурычларга багышланды.
Татарстан рәисе Рөстәм Миңнеханов Республика Арбитраж судының 2024 елгы эшенә йомгаклау киңәшмәсендә катнашты. Узган елның төп нәтиҗәләре турында Татарстан Арбитраж суды рәисе Виталий Гыйльметдинов сөйләде. Арбитраж судына 40 мең 834 дәгъва гаризалары кергән, бу 2023 ел белән чагыштырганда 8,6 процентка күбрәк.
Казан дәүләт консерваториясендә мәшһүр җырчы Илһам Шакировның 90 еллыгына багышланган «Милли музыкаль мәдәниятләрне үстерүдә вокаль сәнгать» дигән ике көнлек фәнни-гамәли конференция уза.
