Иртәнге чыгарылыш
6 ел эчендә «Торак һәм шәһәр мохите» илкүләм проекты кысаларында 23,6 млн гаилә торак шартларын яхшырткан. Бу турыда Россия Федерациясе Дәүләт Советының «Яшәү өчен инфраструктура» юнәлеше буенча комиссиясенең чираттагы утырышын уздырганда комиссия рәисе, Татарстан Рәисе Рөстәм Миңнеханов әйтте.
Казанда җиденче чакырылыш Дәүләт Советының җиденче утырышы булды.
Бүген — Халыкара туган тел көне.
Көндезге чыгарылыш
Татарстан Рәисе Рөстәм Миңнеханов хөкүмәт йортында Сомали Федератив Республикасының Россия Федерациясендәге Гадәттән тыш һәм Тулы вәкаләтле Илчесе Мөхәммәт Әбүкар Зөбәер белән очрашты. Рөстәм Миңнеханов билгеләп үткәнчә, Татарстан машина төзелеше, энергетика, мәгълүмати технологияләр, медицина, агросәнәгать комплексы кебек юнәлешләрдә хезмәттәшлеккә әзер.
Бүген – Халыкара туган телләр көне. Шул уңайдан Татарстан Дәүләт Советы Рәисе, республика халыклары Ассоциациясе Советы җитәкчесе Фәрит Мөхәммәтшин республика халкын котлады.
Татарстаннан инвалидлык белән махсус хәрби операциядә катнашып, инвалидлыкка чыгучылар республикадагы стационар учреждениеләрдә социаль тернәкләнү уза ала. Бу хакта Татарстан Иҗтимагый палатасында узган киңәшмәдә республика хезмәт, мәшгульлек һәм социаль яклау министры урынбасары Гадел Мөбәрәкшин белдерде.
Кичке чыгарылышлар
2030 елга Россиядә физкультура һәм спортны үстерү дәүләт программасы буенча масштаблы спорт объектларын төзү каралган. Бу хакта дәүләт программасын гамәлгә ашыру буенча Хөкүмәт комиссиясе утырышында вице-премьер Дмитрий Чернышенко белдерде. Татарстан Рәисе Рөстәм Миңнеханов «Физик культура һәм спортны үстерү» комплекслы дәүләт программасын гамәлгә ашыру буенча Хөкүмәт комиссиясе составына керә.
Татарстан Рәисе Рөстәм Миңнеханов телеграмм каналда республика халкын Халыкара туган тел көне белән тәбрик итте. Республика Рәисе: «Туган телне кадерләгән халык кадерле булыр» дигән татар халык мәкален дә искә төшергән.
Ватанны саклаучылар көне алдыннан, Казанның Академик Сахаров урамындагы сугышчы-танкчылар монументына чәчәкләр салу тантанасы була. Анда Казан югары танк команда училищесын төрле елларда тәмамлаучылар, танк гаскәрләре ветераннары, аларның туганнары, якыннары, Бөек Ватан сугышы, хәрби низаглар ветераннары, махсус хәрби операциядә катнашучылар җыелачак.
2030 елга Россиядә физкультура һәм спортны үстерү дәүләт программасы буенча масштаблы спорт объектларын төзү каралган. Бу хакта дәүләт программасын гамәлгә ашыру буенча Хөкүмәт комиссиясе утырышында вице-премьер Дмитрий Чернышенко белдерде. Татарстан Рәисе Рөстәм Миңнеханов «Физик культура һәм спортны үстерү» комплекслы дәүләт программасын гамәлгә ашыру буенча Хөкүмәт комиссиясе составына керә.
Татарстан Рәисе Рөстәм Миңнеханов телеграмм каналда республика халкын Халыкара туган тел көне белән тәбрик итте. Республика Рәисе: «Туган телне кадерләгән халык кадерле булыр» дигән татар халык мәкален дә искә төшергән.
Ватанны саклаучылар көне алдыннан, Казанның Академик Сахаров урамындагы сугышчы-танкчылар монументына чәчәкләр салу тантанасы була. Анда Казан югары танк команда училищесын төрле елларда тәмамлаучылар, танк гаскәрләре ветераннары, аларның туганнары, якыннары, Бөек Ватан сугышы, хәрби низаглар ветераннары, махсус хәрби операциядә катнашучылар җыелачак.
