Иртәнге чыгарылыш
Татарстан Рәисе Рөстәм Миңнеханов Александр Турчинны Беларусь Республикасы Премьер-министры итеп билгеләнүе белән котлады. Беларусь Республикасы Президенты Александр Лукашенко моңа кадәр Минск өлкә башкарма комитеты рәисе булган Александр Турчинны Хөкүмәт җитәкчесе итеп билгеләде. 2020 елдан Министрлар кабинетын җитәкләгән Роман Головченко отставкага китте.
Татарстанда быелның 1 мартына илкүләм проектларны гамәлгә ашыруга 3 миллиард 200 миллион сум акяа тотылган. Бу еллык билгеләнүләрнең 7 процентыннан күбрәк. Республика Финанс министрлыгы мәгьлүматлары буенча, иң күп акча «Гаилә» илкүләм проектын тормышка ашыруга киткән – 2 миллиард 400 миллион сум.
“Батырлар. Татарстан каһарманнары» проектына махсус операциядә катнашкан 1061 кеше гариза тапшырган.Сайлапалуны уңышлыузганкандидатларныКазан федераль университетының Дәүләт һәм муниципаль идарә югары мәктәбендә һөнәри әзерлек буенча махсус белем бирү программасы буенча укытачаклар. Гаризалар30 мартка кадәр кабул ителә.
Көндезге чыгарылыш
Ватанны саклаучыларның батырлыгы һәм каһарманлыгы турындагы тарихи хәтерне саклау өчен Татарстан архивлары узган елда махсус хәрби операциядә катнашучылардан 1078 шәхси документ кабул иткән. Тарихи хәтерне саклау өчен 36 архив фонды булдырылган, алар арасында «Татарстан каһарманнары – «Алга» исемле беренче батальон коллекциясе дә бар.
Татарстанда сәламәтлек мөмкинлекләре чикләнгән кешеләр арасында һөнәри осталык буенча «Абилимпикс» төбәк чемпионаты башланды. Ул «Россия – мөмкинлекләр иле» Президент платформасы нигезендә оештырылды. Ярышлар республиканың 15 шәһәрендә 37 белем бирү оешмасы базасында уза.
Татарстанда хөкүмәт карары нигезендә 21 апрельдән 11 майга кадәр янгынга каршы махсус режим урнаштырырга мөмкиннәр. Бу чорда республикада учак ягуны, каты көнкүреш калдыкларын, коры үлән, чүп-чарны яндыруны, дачаларда яки урманнарда ачык утта кайнар ризык әзерләүне тыячаклар.
Кичке чыгарылышлар
Ватанны саклаучыларның батырлыгы һәм каһарманлыгы турындагы тарихи хәтерне саклау өчен Татарстан архивлары узган елда махсус хәрби операциядә катнашучылардан 1078 шәхси документ кабул иткән. Тарихи хәтерне саклау өчен 36 архив фонды булдырылган, алар арасында «Татарстан каһарманнары – «Алга» исемле беренче батальон коллекциясе дә бар.
Татарстанда сәламәтлек мөмкинлекләре чикләнгән кешеләр арасында һөнәри осталык буенча «Абилимпикс» төбәк чемпионаты башланды. Ул «Россия – мөмкинлекләр иле» Президент платформасы нигезендә оештырылды. Ярышлар республиканың 15 шәһәрендә 37 белем бирү оешмасы базасында уза.
Татарстанда хөкүмәт карары нигезендә 21 апрельдән 11 майга кадәр янгынга каршы махсус режим урнаштырырга мөмкиннәр. Бу чорда республикада учак ягуны, каты көнкүреш калдыкларын, коры үлән, чүп-чарны яндыруны, дачаларда яки урманнарда ачык утта кайнар ризык әзерләүне тыячаклар.
Татарстан Дәүләт Советы Президиумының күчмә утырышы Югары Ослан районында узды. Аны Дәүләт Советы Рәисе Фәрит Мөхәммәтшин алып барды. Утырышта махсус хәрби операциядә катнашучыларга ярдәм итү мәсьәләсе күтәрелде.
14-16 май көннәрендә «Казан Экспо» Халыкара күргәзмәләр үзәгендә Россия инвестиция һәм инфраструктура проектларының иң зур хәләл продукция халыкара күргәзмәсе узачак. Чара «Россия – ислам дөньясы” XVI халыкара икътисадый форумы барышында оештырыла.
Татарстанда күп фатирлы йортларны җылыту сезоны май башына кадәр тәмамланырга мөмкин. Шунда ук киләсе сезонга әзерлекне башларга җыеналар. Бу турыда республика Дәүләт торак инспекциясе җитәкчесе Александр Тыгин төбәкнең идарә Үзәге оештырган турыдан туры эфирда белдерде.
