Иртәнге чыгарылыш
Татарстан Рәисе Рөстәм Миңнеханов Россия Хөкүмәте җитәкчесе Михаил Мишустин рәислегендә үткәрелгән стратегик сессиядә катнашты.
Ел башыннан РФ Социаль фондының Татарстан төбәк бүлеге республикада яшәүче 5 мең хатын-кызга йөклелек һәм бала табу буенча пособие түләде.
«Экологик иминлек» илкүләм проекты кысаларында быел Татарстанда урман фондында 2,5 мең гектар мәйданда урман торгызу эшләрен башкару планлаштырыла.
Көндезге чыгарылыш
Татарстан Рәисе Рөстәм Миңнеханов Мәскәүдә «Рамазан чатыры» традицион хәйрия проектында катнашты. Рамазан чатыры — ел саен Россия Федерациясе мөселманнары Диния нәзарәте һәм Мәскәү Хөкүмәте ярдәме белән Мәскәү Мөселманнары Диния нәзарәте тарафыннан оештырыла торган мәдәни-хәйрия проекты.
Бүген “Казан- экспо” Халыкара күргәзмәләр үзәгендә 13 нче республика Ифтар мәҗлесе үткәрелә. Анда 13 мең кеше чакырулы. Республика ифтарында катнашучылар өчен Казан – Аэропорт – Казан өстәмә шәһәр яны поездлары билгеләнгән.
Казанның биш югары уку йорты «Приоритет-2030» федераль проектыннан ярдәм алачак. Болар — федераль университет, медицина, илкүләм фәнни техник һәм фәнни технология, шулай ук энергетика университетлары. Казан дәүләт мәдәният институты исә иҗат юнәлешендәге югары уку йорты сыйфатында ярдәм алуга кандидат булды.
Кичке чыгарылышлар
Бүген “Казан- экспо” Халыкара күргәзмәләр үзәгендә 13 нче республика Ифтар мәҗлесе үткәрелә. Анда 13 мең кеше чакырулы. Республика ифтарында катнашучылар өчен Казан – Аэропорт – Казан өстәмә шәһәр яны поездлары билгеләнгән.
Кукмара районы Мәдәният йортында «Каһарман әтисе» дип аталган республика күчмә күргәзмәсе тәкъдим ителде. Анда республиканың төрле шәһәр — районнарыннан махсус хәрби операция зонасында катнашучы каһарман ир-егетләрнең әтиләре фотосүрәтләре урын алган.
Татарстан Фәннәр Академиясе президенты Рифкать Миңнеханов академиянең структур бүлекчәләренең уңышлары белән уртаклашты. 5-7 сыйныфлар өчен «Безнең төбәк тарихы» дәреслеге экспертлар тарафыннан Россиядә иң яхшыларның берсе дип танылган. Әлеге дәреслекне Тарих институты республика Мәгариф һәм фән министрлыгы ярдәме белән әзерләгән.
ТатарстанРәисеРөстәмМиңнеханов«ТАССРның 100 еллыгы» станциясендә Казан метрополитенының икенче линиясе беренче участогы төзелеше барышы белән танышты. Фучик урамыннан Сахаров урамына кадәр 5 чакрым 370 метр озынлыктагы беренче участок дүрт станциядән тора. Эшләрне 2027 елда тәмамлау күздә тотыла.
Татарстан мөфтие итеп бертавыштан кабат Камил хәзрәт Сәмигуллин сайланды. Татарстан Рәисе Рөстәм Миңнеханов Камил хәзрәт Сәмигуллинга киләчәктәге эшчәнлегендә, шулай ук республикадагы төрле милләт һәм диндәге халыклар арасында тотрыклы дустанә мөнәсәбәтләрне саклауда уңышлар теләде.
Өстәл теннисы буенча Татарстан хатын – кызлар җыелма командасы 2025 елгы Россия чемпионы титулын яулады. Республика Рәисе Рөстәм Миңнеханов спортчыларны үзенең телеграмма-каналында котлады.
