Иртәнге чыгарылыш
ТатарстанРәисеРөстәмМиңнеханов«ТАССРның 100 еллыгы» станциясендә Казан метрополитенының икенче линиясе беренче участогы төзелеше барышы белән танышты. Фучик урамыннан Сахаров урамына кадәр 5 чакрым 370 метр озынлыктагы беренче участок дүрт станциядән тора. Эшләрне 2027 елда тәмамлау күздә тотыла.
Татарстан мөфтие итеп бертавыштан кабат Камил хәзрәт Сәмигуллин сайланды. Татарстан Рәисе Рөстәм Миңнеханов Камил хәзрәт Сәмигуллинга киләчәктәге эшчәнлегендә, шулай ук республикадагы төрле милләт һәм диндәге халыклар арасында тотрыклы дустанә мөнәсәбәтләрне саклауда уңышлар теләде.
Өстәл теннисы буенча Татарстан хатын – кызлар җыелма командасы 2025 елгы Россия чемпионы титулын яулады. Республика Рәисе Рөстәм Миңнеханов спортчыларны үзенең телеграмма-каналында котлады.
Көндезге чыгарылыш
Татарстанда алдынгы инженерлык мәктәпләрен төзүгә 2022 елдан башлап, федераль һәм республика бюджетларыннан 5 млрд сумга якын акча бүлеп бирелгән. Бу хакта республика Дәүләт Советының Мәгариф, мәдәният, фән һәм милли мәсьәләләр комитеты утырышында Мәгариф һәм фән министрының беренче урынбасары Андрей Поминов белдерде.
Түбән Кама районында язгы кыр эшләре башланды. Кырларга беренче булып күпьеллык үләннәрне тукландыруга «Прикамский» хуҗалыгы механизаторлары чыкты. Быел район игенчеләренә 7 мең гектардан артык мәйданда күпьеллык үләннәрне, 9 мең ярым гектарда көзге культураларны тукландырырга кирәк.
«Татмедиа» агентлыгында язучы, журналист Гөлүсә Закированың «Казан утлары» китапханәсе» сериясендә басылып чыккан «Энекәш» дигән китабын тәкъдир иттеләр. Ул авторның махсус хәрби операциядә хезмәт иткәндә һәлак булган бертуган энесе һәм ул аралашкан хәрбиләр язмышын чагылдыра.
Кичке чыгарылышлар
7 нче чакырылыш Татарстан Дәүләт Советының 8 нче утырышы 28 мартта узачак. Утырыш датасы парламент президиумы утырышында расланды, аны Дәүләт Советы Рәисе Фәрит Мөхәммәтшин алып барды. Утырышның көн тәртибенә 20 мәсьәлә кертелде.
«Җиңүгә 80 ел» дигән Бөтенроссия конкурсына катнашучыларны теркәү дәвам итә. Онлайн этап 19 апрельдә турнирга бер көн кала җибәрелгән сылтама буенча үтәчәк. Нәтиҗәләр 24 апрельдә игълан ителәчәк.
Ел башыннан республика юлларында автотранспорт һәлакәтләрендә 44 кешенең гомере өзелгән. Бу хакта язгы каникул вакытында балаларны юл-транспорт имгәнүләреннән саклауга багышланган матбугат конференциясендә Эчке эшләр министрлыгының Дәүләт автоинспекциясе идарәсе җитәкчесе вазыйфаларын вакытлыча башкаручы Айрат Сәмигуллин белдерде.
7 нче чакырылыш Татарстан Дәүләт Советының 8 нче утырышы 28 мартта узачак. Утырыш датасы парламент президиумы утырышында расланды, аны Дәүләт Советы Рәисе Фәрит Мөхәммәтшин алып барды. Утырышның көн тәртибенә 20 мәсьәлә кертелде.
Татарстанның 20дән артык районында язгы кыр эшләренә керештеләр. Игенчеләр көзге культураларны һәм күпьеллык үләннәрне тукландыралар. Бу хакта Татарстан Авыл хуҗалыгы һәм азык-төлек министрлыгының матбугат хезмәте хәбәр итте.
Ел башыннан республика юлларында автотранспорт һәлакәтләрендә 44 кешенең гомере өзелгән. Бу хакта язгы каникул вакытында балаларны юл-транспорт имгәнүләреннән саклауга багышланган матбугат конференциясендә Эчке эшләр министрлыгының Дәүләт автоинспекциясе идарәсе җитәкчесе вазыйфаларын вакытлыча башкаручы Айрат Сәмигуллин белдерде.
