Иртәнге чыгарылыш
7 нче чакырылыш Татарстан Дәүләт Советының 8 нче утырышы 28 мартта узачак. Утырыш датасы парламент президиумы утырышында расланды, аны Дәүләт Советы Рәисе Фәрит Мөхәммәтшин алып барды. Утырышның көн тәртибенә 20 мәсьәлә кертелде.
Татарстанның 20дән артык районында язгы кыр эшләренә керештеләр. Игенчеләр көзге культураларны һәм күпьеллык үләннәрне тукландыралар. Бу хакта Татарстан Авыл хуҗалыгы һәм азык-төлек министрлыгының матбугат хезмәте хәбәр итте.
Ел башыннан республика юлларында автотранспорт һәлакәтләрендә 44 кешенең гомере өзелгән. Бу хакта язгы каникул вакытында балаларны юл-транспорт имгәнүләреннән саклауга багышланган матбугат конференциясендә Эчке эшләр министрлыгының Дәүләт автоинспекциясе идарәсе җитәкчесе вазыйфаларын вакытлыча башкаручы Айрат Сәмигуллин белдерде.
Көндезге чыгарылыш
Россия Президенты Владимир Путин хакимиятнең бердәм системасында җирле үзидарәне оештыруның гомуми принципларын билгели торган законны раслады. Документ хокукый актлар рәсми порталында урнаштырылган.
Ил хөкүмәте Бөек Ватан сугышы ветераннарына Бөек Ватан сугышында Җиңүнең 80 еллыгы уңаеннан бер тапкыр бирелә торган түләү кагыйдәләрен раслады. Тиешле карарны Премьер-министр Михаил Мишустин имзалады.
Татарстан Рәисе Рөстәм Миңнеханов бүген эш сәфәре белән Вьетнамның Ханой шәһәренә килде. Төньяк Вьетнамның беренче Президенты Хо Ши Мин Мавзолее каршында аны мактаулы каравыл каршылады. Рөстәм Миңнеханов мавзолейга чәчәкләр салды.
Кичке чыгарылышлар
Ил хөкүмәте Бөек Ватан сугышы ветераннарына Бөек Ватан сугышында Җиңүнең 80 еллыгы уңаеннан бер тапкыр бирелә торган түләү кагыйдәләрен раслады. Тиешле карарны Премьер-министр Михаил Мишустин имзалады.
Татарстан Рәисе Рөстәм Миңнеханов Вьетнам Сәүдә һәм сәнәгать министры урынбасары Чыонг Тхань Хоай белән очрашты. Республика Рәисе ассызыклаганча, нефть эшкәртү, нефть химиясе, энергетика, машина төзелеше, ИТ, югары технологияләр юнәлешләрендә товар әйләнешен арттыру мөмкинлекләре бар.
Татарстан рәисе Ханой шәһәр Халык комитеты рәисе урынбасары Ханой Нгуен Мань Куйен белән очрашты. Ханой шәһәре Халык комитеты рәисе урынбасары Татарстан белән мөнәсәбәтләрне үстерү белән кызыксынуын әйтте.
Ил хөкүмәте Бөек Ватан сугышы ветераннарына Бөек Ватан сугышында Җиңүнең 80 еллыгы уңаеннан бер тапкыр бирелә торган түләү кагыйдәләрен раслады. Тиешле карарны Премьер-министр Михаил Мишустин имзалады.
Татарстан Рәисе Рөстәм Миңнеханов Вьетнам Премьер-министры Фам Минь Тинь белән очрашты. Быел Россия һәм Вьетнам дипломатик мөнәсәбәтләр урнаштыруның 75 еллыгын билгеләп үтә. Республика Рәисе ике ил төбәкләре дәрәҗәсендә хезмәттәшлеккә яңа этәргеч бирергә кирәклеген билгеләп үтте.
Татарстан Рәисе Рөстәм Миңнеханов Вьетнам Сәүдә һәм сәнәгать министры урынбасары Чыонг Тхань Хоай белән очрашты. Республика Рәисе ассызыклаганча, нефть эшкәртү, нефть химиясе, энергетика, машина төзелеше, ИТ, югары технологияләр юнәлешләрендә товар әйләнешен арттыру мөмкинлекләре бар.
