Иртәнге чыгарылыш
Татарстан Рәисе Рөстәм Миңнеханов КХЛ плей-оффы башланыр алдыннан «Ак Барс» тренерлары һәм хоккейчылары белән очрашу уздырды.
Татарстанда көзге культураларны һәм күпьеллык үләннәрне ашлау башланды.
Бүгенгә Татарстанда җирле үзидарәнең вәкиллекле органнарына булачак сайлауларда кандидатларны сайлап алу буенча «Бердәм Россия»нең алдан тавыш бирүенә 1,4 меңнән артык кандидат теркәлгән.
Көндезге чыгарылыш
Татарстан 2026 елда гражданлык пилотсыз авиация системалары технологияләрен үстерү өлкәсендә сынаулар һәм компетенцияләр фәнни-җитештерү үзәген булдыру өчен 2 миллиард 270 миллион сумнан артык акча алачак. Бу хакта Россия Хөкүмәте карарын Премьер-министр Михаил Мишустин имзалады.
Татарстан Рәисе Рөстәм Миңнеханов Казан илкүләм тикшеренү технология университетында булды. Ул югары уку йортының кайбер фәнни лабораторияләрен, кафедраларын карап чыкты, лабораторияләрдә урнаштырылган җайланмаларны, шулай ук кайбер уку бүлмәләрендә башкарылган ремонтның сыйфатын бәяләде.
Татарстан Дәүләт Советына 30 ел. Беренче чакырылыш Дәүләт Советының беренче сессиясе 1995 елның 30 мартында узган. Шуңа бәйле рәвештә, Дәүләт Советының 28 мартка билгеләнгән утырышында «Татарстан Дәүләт Советының 30 еллыгы турында»гы мәсьәлә каралачак.
Кичке чыгарылышлар
Татарстан 2026 елда гражданлык пилотсыз авиация системалары технологияләрен үстерү өлкәсендә сынаулар һәм компетенцияләр фәнни-җитештерү үзәген булдыру өчен 2 миллиард 270 миллион сумнан артык акча алачак. Бу хакта Россия Хөкүмәте карарын Премьер-министр Михаил Мишустин имзалады.
Татарстан Дәүләт Советына 30 ел. Беренче чакырылыш Дәүләт Советының беренче сессиясе 1995 елның 30 мартында узган. Шуңа бәйле рәвештә, Дәүләт Советының 28 мартка билгеләнгән утырышында «Татарстан Дәүләт Советының 30 еллыгы турында»гы мәсьәлә каралачак.
Татарстанда туган татар теле һәм әдәбиятыннан бердәм республика имтиханын сайлаган чыгарылыш сыйныф укучылары саны арткан. Бу хакта Министрлар Кабинетында узган брифингта Татарстан Мәгариф һәм фән министры Илсур Һадиуллин белдерде.
Казан Ратушасында Россия Федерациясе Президентының Идел буе федераль округы төбәкләрендә дәүләт миграция сәясәтен гамәлгә ашыру һәм мигрантларны социаль-мәдәни яраклаштыру мәсьәләсе буенча Идел буе федераль округы буенча Тулы вәкаләтле вәкиле каршындагы Совет утырышы булды. Аны Россия Федерациясе Президентының Идел буе федераль округындагы Тулы вәкаләтле вәкиле Игорь Комаров алып барды. Утырышта Татарстан Рәисе Рөстәм Миңнеханов катнашты.
Республикада «Безнең ишегалды» программасы буенча төзелеш эшләрен апрельдә яңадан дәвам итү күздә тотыла. Быел 678 ишегалды төзекләндереләчәк. Милек хуҗаларының гомуми җыелышлары беркетмәләре килештереп бетерелгән.
Татарстанда туган татар теле һәм әдәбиятыннан бердәм республика имтиханын сайлаган чыгарылыш сыйныф укучылары саны арткан. Бу хакта Министрлар Кабинетында узган брифингта Татарстан Мәгариф һәм фән министры Илсур Һадиуллин белдерде.
