Иртәнге чыгарылыш
Казан Ратушасында Россия Федерациясе Президентының Идел буе федераль округы төбәкләрендә дәүләт миграция сәясәтен гамәлгә ашыру һәм мигрантларны социаль-мәдәни яраклаштыру мәсьәләсе буенча Идел буе федераль округы буенча Тулы вәкаләтле вәкиле каршындагы Совет утырышы булды. Аны Россия Федерациясе Президентының Идел буе федераль округындагы Тулы вәкаләтле вәкиле Игорь Комаров алып барды. Утырышта Татарстан Рәисе Рөстәм Миңнеханов катнашты.
Республикада «Безнең ишегалды» программасы буенча төзелеш эшләрен апрельдә яңадан дәвам итү күздә тотыла. Быел 678 ишегалды төзекләндереләчәк. Милек хуҗаларының гомуми җыелышлары беркетмәләре килештереп бетерелгән.
Татарстанда туган татар теле һәм әдәбиятыннан бердәм республика имтиханын сайлаган чыгарылыш сыйныф укучылары саны арткан. Бу хакта Министрлар Кабинетында узган брифингта Татарстан Мәгариф һәм фән министры Илсур Һадиуллин белдерде.
Көндезге чыгарылыш
Россия Федерациясе Федераль Җыены Дәүләт Думасы Рәисе Вячеслав Володин республика парламенты депутатларын һәм барлык татарстанлыларны Татарстан Дәүләт Советының 30 еллыгы белән котлады.
Россия энергетика министры Сергей Цивилев илнең 2050 елга кадәр энергетика стратегиясе программасы турында Казанда хисап тотарга җыена. Бу хакта «Татар-информ» агентлыгында узган матбугат конференциясендә Татарстанның сәнәгать һәм сәүдә министры Олег Коробченко әйтте.
13 – 18 майда «Казан Экспо» күргәзмәләр үзәгендә Халыкара хәләл продуктлар сәүдә ярминкәсе узачак. Ул «Россия – Ислам дөньясы” ХVI халыкара икътисад форумында оештырылачак. Бу хакта Татарстан Авыл хуҗалыгы һәм азык-төлек министрлыгының матбугат хезмәте хәбәр итте.
Кичке чыгарылышлар
Татарстан Рәисе Рөстәм Миңнеханов хөкүмәт йортында «Кызыл мәйдан» мотоклубы директоры Сергей Писаренко белән очрашты. Алар киләчәктә хезмәттәшлек итү, уртак чаралар оештыру мәсьәләләре буенча фикер алыштылар.
Казанда 2 мең 634 ветеран яши, шул исәпкә Бөек Ватан сугышында катнашучылар һәм инвалидлар, тыл хезмәтчәннәре, тол хатыннар да керә. Бөек Җиңүнең 80 еллыгы алдыннан шәһәрдә сугыш хәрәкәтләрендә турыдан-туры катнашкан 59 фронтовикка аерым игътибар бирелә, дип белдерде шәһәр Думасы сессиясендә Башкарма комитет җитәкчесе урынбасары Гүзәл Сәгыйтова.
13 – 18 майда «Казан Экспо» күргәзмәләр үзәгендә Халыкара хәләл продуктлар сәүдә ярминкәсе узачак. Ул «Россия – Ислам дөньясы” ХVI халыкара икътисад форумында оештырылачак. Бу хакта Татарстан Авыл хуҗалыгы һәм азык-төлек министрлыгының матбугат хезмәте хәбәр итте.
Татарстан Рәисе Рөстәм Миңнеханов хөкүмәт йортында «Кызыл мәйдан» мотоклубы директоры Сергей Писаренко белән очрашты. Алар киләчәктә хезмәттәшлек итү, уртак чаралар оештыру мәсьәләләре буенча фикер алыштылар.
Казанда 2 мең 634 ветеран яши, шул исәпкә Бөек Ватан сугышында катнашучылар һәм инвалидлар, тыл хезмәтчәннәре, тол хатыннар да керә. Бөек Җиңүнең 80 еллыгы алдыннан шәһәрдә сугыш хәрәкәтләрендә турыдан-туры катнашкан 59 фронтовикка аерым игътибар бирелә, дип белдерде шәһәр Думасы сессиясендә Башкарма комитет җитәкчесе урынбасары Гүзәл Сәгыйтова.
Татарстан башкаласында Бөек Ватан сугышы каһарманнары истәлеген мәңгеләштерү буенча зур эш алып барыла. Шәһәрдә 119 урам Советлар Союзы Геройлары исемен йөртә, сугыш вакыйгаларына бәйле 190 истәлекле һәм мемориаль корылма урнаштырылган. Җиңүнең 80 еллыгы алдыннан барлык һәйкәлләрне тәртипкә китерәчәкләр, шулай ук яңаларын ачу каралган.
