Иртәнге чыгарылыш
Татарстан ясалма интеллект өлкәсендә Россиянең алдынгы үзәгенә әйләнергә тиеш. Бу хакта Татарстан Рәисе Рөстәм Миңнеханов цифрлы үсешкә ярдәм итү ассоциациясенең Казан федераль университетында узган утырышында белдерде. Рөстәм Миңнеханов күргәзмәдә ясалма интеллект, аның элементларын куллану мисаллары белән танышты.
Россия социаль Фондының Татарстандагы бүлеге Бөек Ватан сугышында Җиңүнең 80 еллыгы уңаеннан апрель аенда республика ветераннарына бер тапкыр бирелә торган түләүне күчерәчәк. Аны төбәкнең 8 мең 700 дән артык кешесе ала.
«Батырлар. Татарстан каһарманнары» программасының беренче этабы тәмамланды. Анда катнашучылар гаризалары 18 февральдән 30 мартка кадәр кабул ителде. Татарстан Рәисе хакимияте җитәкчесе, республика программасының Иҗтимагый советы рәисе Әсхәт Сәфәров әлеге программада махсус хәрби операция ветераннарының актив катнашуларын билгеләп үтте.
Көндезге чыгарылыш
Татарстан Дәүләт Советы хатын-кыз депутатларының «Мәрхәмәт-Милосердие» берләшмәсе вәкилләре Беларусь Республикасысы башкаласы Минскига килде. Сәфәрнең төп максаты – социаль сәясәтне гамәлгә ашыру, гражданнарга патриотик тәрбия бирү өлкәсендә һәм төбәк муниципаль закон чыгару тәҗрибәсе белән уртаклашу.
Татарстан Фәннәр академиясенең Татар энциклопедиясе һәм төбәкне өйрәнү институты каһарман шагыйрь Муса Җәлилнең шәхси энциклопедиясен әзерли. Бу хакта «Татар-информ» агентлыгында узган матбугат конференциясендә институт директоры Эльмира Галимова сөйләде.
Апрель ахырында Кабарда-Балкар Республикасы башкаласы Нальчик шәһәрендә Кәрим Тинчурин исемендәге татар дәүләт драма һәм комедия театры гастрольләре узачак. 24-26 апрель көннәрендә Кабарда — Балкар дәүләт драма театры сәхнәсендә татар театрының 4 спектакле күрсәтелә.
Кичке чыгарылышлар
Татарстан Дәүләт Советы хатын-кыз депутатларының «Мәрхәмәт-Милосердие» берләшмәсе вәкилләре Беларусь Республикасысы башкаласы Минскига килде. Сәфәрнең төп максаты – социаль сәясәтне гамәлгә ашыру, гражданнарга патриотик тәрбия бирү өлкәсендә һәм төбәк муниципаль закон чыгару тәҗрибәсе белән уртаклашу.
9-11 апрельдә Казанда 19 нчы Россия венчур форумы узачак. Ул технология эшмәкәрлеге өлкәсендәге төп вакыйга. Быел форум дөньяның төрле илләреннән, шул исәптән Австрия, Беларусь, Бахрейн, Берләшкән Гарәп Әмирлекләре, Катар, Үзбәкстан, Франциядән 260 әйдәп баручы экспертны җыячак.
Татарстан Фәннәр академиясенең Татар энциклопедиясе һәм төбәкне өйрәнү институты каһарман шагыйрь Муса Җәлилнең шәхси энциклопедиясен әзерли. Бу хакта «Татар-информ» агентлыгында узган матбугат конференциясендә институт директоры Эльмира Галимова сөйләде.
9-11 апрельдә Казанда 19 нчы Россия венчур форумы узачак. Ул технология эшмәкәрлеге өлкәсендәге төп вакыйга. Быел форум дөньяның төрле илләреннән, шул исәптән Австрия, Беларусь, Бахрейн, Берләшкән Гарәп Әмирлекләре, Катар, Үзбәкстан, Франциядән әйдәп баручы экспертларны җыячак.
Мәскәүдә Россия Федераль Җыены Дәүләт Думасында «XIX гасырның икенче яртысы — XX гасырның беренче яртысы Идел буе халыкларының традицион костюмы» дигән күргәзмә ачылды. Татарстан җитәкчелеге исеменнән кунакларны Дәүләт Советы Рәисе, Татарстан халыклары Ассамблеясе Рәисе Фәрит Мөхәммәтшин сәламләде.
Татарстанда быел сөт җитештерүне 2 миллион 300 мең тоннага җиткеререргә җыеналар. Бу хакта республика Авыл хуҗалыгы һәм азык-төлек министры Марат Җәббаров сөт җитештерүчеләр берлегенең түгәрәк өстәл утырышында белдерде.
