Иртәнге чыгарылыш
Казанда Бәшир Рәмиев исемендәге ИТ-паркта Россия Салым органнары хезмәткәрләре көненә һәм Федераль салым хезмәтенең Татарстандагы идарәсенең 35 еллыгына багышланган тантаналы чара узды. Анда Татарстан Рәисе Рөстәм Миңнеханов, Федераль салым хезмәте җитәкчесе Даниил Егоров катнашты.
Декабрьдә МАХ мессенжеры кулланучылары «Теләкләр чыршысы» Бөтенроссия акциясендә катнаша ала. Проект авыр тормыш хәлендә булган балаларның хыялларын тормышка ашырырга ярдәм итә.
Татарстанда көзге ярминкәләр 11 нче тапкыр үткәрелде. Барлыгы 1 млрд сумнан артык авыл хуҗалыгы продукциясе сатылган. Шәһәр халкына арзан бәяләрдән продуктларның киң ассортименты — кош ите, сыер ите, йомырка, бәрәңге, яшелчә, сөт продуктлары, шикәр комы, көнбагыш мае, он, кондитер әйберләре тәкьдим ителгән.
Көндезге чыгарылыш
Татарстан Дәүләт Советында бюджет, салымнар һәм финанс комитеты утырышы булды. Депутатлар 2026 елга, 2027 һәм 2028 еллар план чорына бюджет турындагы республика закон проектына һәм медицина иминияте территория фонды бюджеты проектына икенче укылышка әзерләнгән төзәтмәләрне, шулай ук быелның 9 аенда республика бюджеты үтәлеше турындагы мәсьәләләрне карадылар.
Быел дөнья күләмендә 4 меңнән артык Сабан туе үткәрелгән. Бу хакта Бөтендөнья татар конгрессының Милли шура утырышында Бөтендөнья татар конгрессының Башкарма комитеты җитәкчесе Данис Шакиров әйтте. Сабантуйларының 400е республика ярдәмендә уздырылган.
Бүген башкалабызның Пирамида мәдәни – күңел ачу үзәгендәТатарстанның халык артисты, «Татарстан» радиосына ярты гасырдан артык гомерен багышлаган музыкаль тапшырулар редакциясенең элеккеге җитәкчесе Рафаэль Ильясовка багышланган китапны тәкьдим итү кичәсе була. Әлеге китап атаклы кешеләргә багышланган “Шәхесләребез” сериясендә дөнья күрде.
Кичке чыгарылышлар
Татарстан Министрлар Кабинетында 2025 елда юл эшләре программасын үтәү һәм юл төзү оешмаларының кышкы чорга хәзерлегенә багышланган брифинг узды. Анда республика транспорт һәм юл хуҗалыгы министры Фәрит Хәнифов чыгыш ясады. Ул билгеләп үткәнчә, быел Татарстанның төбәк һәм җирле автомобиль юлларында 82,2 млрд сумлык төзекләндерү эшләре башкарылган, бу акчаның 7,9 млрд сумы федераль бюджеттан.
Казан федераль университеты «Приоритет-2030» дәүләт программасы буенча үсеш программаларын гамәлгә ашыру өчен 830 млн сумлык грант алачак. Ул Россиянең 13 алдынгы югары уку йорты арасына кергән.
«Ростех» дәүләт корпорациясе Россиянең сигез университеты белән партнерлык килешүләре төзеде. Бу исемлеккә Казан илкүләм тикшеренү технология университеты — КАИ да бар.
Татарстан Министрлар Кабинетында 2025 елда юл эшләре программасын үтәү һәм юл төзү оешмаларының кышкы чорга хәзерлегенә багышланган брифинг узды. Анда республика транспорт һәм юл хуҗалыгы министры Фәрит Хәнифов чыгыш ясады. Ул билгеләп үткәнчә, быел Татарстанның төбәк һәм җирле автомобиль юлларында 82,2 млрд сумлык төзекләндерү эшләре башкарылган, бу акчаның 7,9 млрд сумы федераль бюджеттан.
Казан федераль университеты «Приоритет-2030» дәүләт программасы буенча үсеш программаларын гамәлгә ашыру өчен 830 млн сумлык грант алачак. Ул Россиянең 13 алдынгы югары уку йорты арасына кергән.
«Ростех» дәүләт корпорациясе Россиянең сигез университеты белән партнерлык килешүләре төзеде. Бу исемлектә Казан илкүләм тикшеренү технология университеты — КАИ да бар.
