Иртәнге чыгарылыш
“Казан Экспо” Халыкара күргәзмә үзәгендә «Энергопром» халыкара энергетика форумы ачылды. Анда Россия Энергетика министры Сергей Цивилев, Татарстан Рәисе Рөстәм Миңнеханов, Таҗикстан Республикасы энергетика һәм су ресурслары министры Далер Джума, Бәйсез Дәүләтләр Берлеге илләренең кайбер министрлыклары вәкилләре катнашты. Форумда катнашучыларга Россия Федераль Җыены Дәүләт Думасы Рәисе Вячеслав Володин һәм Россия Премьер-министры Михаил Мишустин мөрәҗәгатьләре укылды.
Форумда “Татэнерго” компаниясе һәм Урал турбина заводы хезмәттәшлек турындагы килешүне имзаладылар. Чарада Татарстан Рәисе Рөстәм Миңнеханов, Россия Энергетика министры Сергей Цивилев катнашты. Килешү “Татэнерго” акционерлык җәмгыятенең Зәй ГРЭСы филиалында пар, газ җиһазлары инвестиция проектын уңышлы гамәлгә ашыру өчен технология һәм икътисадый базаны булдыруны күздә тота.
Татарстан Рәисе Рөстәм Миңнеханов һәм Россия Энергетика министры Сергей Цивилев форумда Иранның «Mapna Group» компаниясе җитәкчелеге белән очрашты. Әлеге компания җылылык һәм яңартыла торган электр станцияләрен эшләү, гамәлгә кертү белән шөгыльләнә.
Көндезге чыгарылыш
Татарстан Рәисе Рөстәм Миңнеханов Таҗикстан башкаласы Дүшәнбегә килде. Биредә ул ил җитәкчелеге белән очраша, Согдий өлкәсендә сөйләшүләр үткәрә. Татарстан делегациясе Таҗикстанның сәнәгать һәм яңа технологияләр министрлыгында, Россия Федерациясенең Таҗикстан Республикасындагы Сәүдә вәкиллегендә очрашулар уздырды. Аларда хезмәттәшлек юнәлешләре турында җентекләп сөйләштеләр.
Бүген “Казан Экспо” күргәзмәләр үзәгендә “Энергопром” форумы дәвам итә. Анда ТатарстанХөкүмәтеэнергия ресурсларының нәтиҗәлелеген артыру буенча республика программасының ничек гамәлгә ашырылуы турындагы мәсьәләне тикшерә.
2024 ел йомгаклары буенча Казан һәм Иннополис үз категорияләрендә Россиянең яшәү өчен иң уңайлы шәһәрләре исемлегенә керде. Моны Россия Төзелеш министрлыгы әзерләгән шәһәр мохите сыйфаты индексы нәтиҗәләре дәлилли.
Кичке чыгарылышлар
Татарстан Рәисе Рөстәм Миңнеханов Дүшәнбедә Таҗикстан Президенты Эмомали Рахмон, Премьер-министр Кохир Рәсүлзода белән очрашты. Татарстанның Таҗикстан белән хезмәттәшлекне үстерүгә зур әһәмият бирүе билгеләп үтелде. Татарстан Рәисе Таҗикстан президентына Казандагы БРИКС саммитында узган очрашу өчен рәхмәт белдерде.
Бүген “Казан Экспо” күргәзмәләр үзәгендә “Энергопром” форумы дәвам итә. Анда ТатарстанХөкүмәтеэнергия ресурсларының нәтиҗәлелеген артыру буенча республика программасының ничек гамәлгә ашырылуы турындагы мәсьәләне тикшерә.
2024 ел йомгаклары буенча Казан һәм Иннополис үз категорияләрендә Россиянең яшәү өчен иң уңайлы шәһәрләре исемлегенә керде. Моны Россия Төзелеш министрлыгы әзерләгән шәһәр мохите сыйфаты индексы нәтиҗәләре дәлилли.
Татарстан Рәисе Рөстәм Миңнеханов Дүшәнбедә Таҗикстан Президенты Эмомали Рахмон, Премьер-министр Кохир Рәсүлзода белән очрашты. Татарстанның Таҗикстан белән хезмәттәшлекне үстерүгә зур әһәмият бирүе билгеләп үтелде. Татарстан Рәисе Таҗикстан президентына Казандагы БРИКС саммитында узган очрашу өчен рәхмәт белдерде.
Татарстан Рәисе Рөстәм Миңнеханов Таҗикстанның Хуҗанд шәһәрендә Согдий өлкәсе Рәисе Раджабб Әхмәдзода белән очрашты. Татарстан Рәисе Согдий өлкәсе Рәисенә кунакчыллыгы һәм «Таҗикстан — Татарстан» эшлекле форумында шәхсән катнашуы өчен рәхмәт белдерде. Татарстан Таҗикстан базарында алдынгы компанияләрнең катнашуын киңәйтү, авыл хуҗалыгыннан алып авыр машина төзелеше продукциясенә кадәр товарлар китерүне арттыру белән кызыксына.
“Казан Экспо” күргәзмәләр үзәгендә “Энергопром” форумы дәвам итә. Татарстан Министрлар Кабинеты утырышында энергия ресурсларының нәтиҗәлелеген арттыру мәсьәләләре тикшерелде. Утырышны Татарстан Премьер-министры Алексей Песошин алып барды.
