Иртәнге чыгарылыш
Татарстан Рәисе Рөстәм Миңнеханов Кытай Халык Республикасының Чунцин шәһәрендә «Татарстан — Чунцин» форумында катнашты. Ул ил һәм шәһәр җитәкчелегенә төбәкара хезмәттәшлекне үстерүгә игътибарлары, эшлекле форум уздырулары, яңа уртак проектлар турында сөйләшү мөмкинлеге өчен рәхмәт белдерде. Татарстанның сәүдә-икътисадый мөмкинлеге турында Премьер-министр урынбасары – сәнәгать һәм сәүдә министры Олег Коробченко сөйләде.
Татарстан Рәисе Рөстәм Миңнеханов Чунцин шәһәрендә Changan компаниясенең цифрлы интеллектуаль автомобиль заводында булды. Әлеге компания узган елда дөньяда 2 миллион 683 мең автомобиль саткан.
Татарстан Фәннәр Академиясендә «Бөек Ватан сугышы. халыклар һәм төбәкләр язмышында» дип исемләнгән 2 нче халыкара конференция ачылды. Киләсе буыннарга тарихи хәтерне саклауга багышланган очрашуда Россиянең төрле төбәкләреннән һәм илләрдән тарихчылар, галимнәр катнашты. Анда республика Дәүләт Советы Рәисе Фәрит Мөхәммәтшин чыгыш ясады.
Көндезге чыгарылыш
Татарстан Премьер – министры урынбасары Ләйлә Фазлыева кышкы спорт төрләре буенча махсус хәрби операция ветераннары арасында Бөтенроссия «Ватанны саклаучылар кубогы» ярышларында катнашкан республика җыелма командасы спортчылары белән очрашты.
Бүген “Казан-Экспо” күргәзмәләр үзәгендә Россия венчур форумы эшен дәвам итә. Пленар утырыш «Технология эшмәкәрлеге –югары компетенцияләр киңлеге» дигән темага багышланачак. Форумда катнашучылар кичә Иннополис университетында, шәһәрдәге махсус икьтисадый зонасында тупланган тәҗрибә буенча фикер алышты.
Быел бөек шагыйрь Габдулла Тукай туган көнне — 26 апрельдә традицион Шигырь бәйрәме яңа урында булачак. «Шигырь бәйрәме Камал театрының яңа бинасы янында – Кабан күле буендагы мәйданда оештырыла», — диде Татарстан Язучылар берлегенең идарә утырышында Берлек рәисе Ркаил Зәйдулла. Шигырь бәйрәме көндезге сәгать икедә башлана.
Кичке чыгарылышлар
Россия венчур форумы – үзара иң яхшы тәҗрибәне уртаклашу, уртак проектлар буенча килешүләр төзү, илебезнең инновация системасын үстерүгә өстәмә этәргеч бирү өчен ышанычлы чара. Бу хакта Татарстан Рәисе Рөстәм Миңнеханов 19нчы Россия венчур форумын ачу тантанасында белдерде. Анда Россия Федерациясе Фән һәм югары белем министры, форумны оештыру комитеты рәисе Валерий Фальков катнашты.
Быел бөек шагыйрь Габдулла Тукай туган көнне — 26 апрельдә традицион Шигырь бәйрәме яңа урында булачак. «Шигырь бәйрәме Камал театрының яңа бинасы янында – Кабан күле буендагы мәйданда оештырыла», — диде Татарстан Язучылар берлегенең идарә утырышында Берлек рәисе Ркаил Зәйдулла. Шигырь бәйрәме көндезге сәгать икедә башлана.
Язучы Зөлфәт Хәким пьесасы буенча төшерелгән «Телсез күке» фильмы киң прокатка чыгарыла. Казанда фильмны «Мир» кинотеатрында карап булачак. Фильмны Россия төбәкләрендә дә күрсәтү күздә тотыла. Ул инглиз, төрек, гарәп телләренә дә тәрҗемә ителә.
Россия венчур форумы – үзара иң яхшы тәҗрибәне уртаклашу, уртак проектлар буенча килешүләр төзү, илебезнең инновация системасын үстерүгә өстәмә этәргеч бирү өчен ышанычлы чара. Бу хакта Татарстан Рәисе Рөстәм Миңнеханов 19нчы Россия венчур форумын ачу тантанасында белдерде. Анда Россия Федерациясе Фән һәм югары белем министры, форумны оештыру комитеты рәисе Валерий Фальков катнашты.
Россия венчур форумында Россия Федерациясе Фән һәм югары белем министры Валерий Фальков белән Татарстан Рәисе Рөстәм Миңнехановның эшлекле очрашуы узды. Алар республикада югары белем һәм фән өлкәсендә хезмәттәшлекне үстерү турында фикер алыштылар.
Кырым Республикасы Конституциясе көне билгеләп үтелде. Кырымның төп законы 11 ел элек кабул ителде. Халыкара хокук нормалары нигезендә референдум уздырып, Кырым һәм Севастополь Россия Федерациясе составына керде, тарихи гаделлек торгызылды. Кырым халкын мөһим вакыйга белән Дәүләт Советы Рәисе Фәрит Мөхәммәтшин котлады.
