Иртәнге чыгарылыш
Татарстанда янгынга каршы махсус режим гамәлгә кертелде.
Казан «Җиңү диктанты» халыкара патриотик акциясенә кушыла.
25 апрельдә “Идел” 14нче Халыкара татар һәм башкорт җыры фестиваль-бәйгесе лауреатларының гала-концерты узачак.
Көндезге чыгарылыш
Дәүләт Советына Татарстан Республикасы Сайлау кодексына үзгәрешләр кертүне тәкъдим итә торган закон проекты тәкъдим ителде. Закон проектында Республика Рәисе вазифасына кандидатка карата таләпләр төгәлләштерелә.
Казанда Идел буе дәүләт физик культура, спорт һәм туризм университеты базасында рус теленнән Бөтенроссия олимпиадасының йомгаклау этабы тәмамланды. Финалда илнең 78 төбәгеннән 472 укучы катнашты. Шуларның 225е җиңүче һәм призер булды.
Татарстанда янгынга каршы махсус режим гамәлгә керде. Ул 11 майга кадәр дәвам итә. Бу чорда ачык һавада учак ягу, көнкүреш калдыкларын, коры үлән, чүп-чар яндыру тыела. Урман янгыннары куркынычы янаган торак пунктларда, бакчачылык ширкәтләрендә яки балалар лагерьләрендә мангалларда, мичләрдә, янмый торган башка савытларда ашарга пешерергә ярамый.
Кичке чыгарылышлар
Дәүләт Советына Татарстан Республикасы Сайлау кодексына үзгәрешләр кертүне тәкъдим итә торган закон проекты тәкъдим ителде. Закон проектында Республика Рәисе вазифасына кандидатка карата таләпләр төгәлләштерелә.
Татарстан Рәисе Рөстәм Миңнеханов хөкүмәт йортында Россия Федерациясе Үзәк сайлау комиссиясе Рәисе Элла Памфилова белән очрашты. Алар төбәк һәм муниципаль дәрәҗәләрдә сайлау системасы эше, гражданнарның сайлау хокукларын гамәлгә ашыру, республиканың сайлау системасы үрнәгендә Татарстан тәҗрибәсе турында фикер алыштылар.
Татарстан парламентында Дәүләт Советы Рәисе Фәрит Мөхәммәтшин Россия Федерациясе Үзәк сайлау комиссиясе Рәисе Элла Памфилова белән очрашты. Анда Дәүләт Советының Татарстан Үзәк сайлау комиссиясе белән үзара хезмәттәшлеге, республика дәүләт хакимияте органнарының илнең хокукый органнарындагы эшчәнлеге, сайлау системасы, гражданнарның сайлау хокукларын гамәлгә ашыру мәсьәләләре каралды.
Татарстан Рәисе Рөстәм Миңнеханов хөкүмәт йортында Россия Федерациясе Үзәк сайлау комиссиясе Рәисе Элла Памфилова белән очрашты. Алар төбәк һәм муниципаль дәрәҗәләрдә сайлау системасы эше, гражданнарның сайлау хокукларын гамәлгә ашыру, республиканың сайлау системасы үрнәгендә Татарстан тәҗрибәсе турында фикер алыштылар.
Татарстан парламентында Дәүләт Советы Рәисе Фәрит Мөхәммәтшин Россия Федерациясе Үзәк сайлау комиссиясе Рәисе Элла Памфилова белән очрашты. Анда Дәүләт Советының Татарстан Үзәк сайлау комиссиясе белән үзара хезмәттәшлеге, республика дәүләт хакимияте органнарының илнең хокукый органнарындагы эшчәнлеге, сайлау системасы, гражданнарның сайлау хокукларын гамәлгә ашыру мәсьәләләре каралды.
Актаныш районының 621нче һәм Яшел Үзән районының 1518нче сайлау участокларына махсус хәрби операция ветераннары — территория сайлау комиссияләре әгъзалары исеме бирелде. Дәүләт Советы бинасында истәлекле билгеләрне Россия Үзәк сайлау комиссиясе рәисе Элла Памфилова тапшырды.
