Иртәнге чыгарылыш
Татарстан Рәисе Рөстәм Миңнеханов Төркиянең “Гаделлек һәм үсеш” партиясе Рәисенең икътисади эшләр буенча урынбасары, «Россия – Ислам дөньясы» стратегик караш төркеме вәкиле Нихат Зайбәкҗи әфәнде белән очрашты. Очрашу Татарстан Хөкүмәте Йортында узды.
Татарстан Хөкүмәте Йортында «Татнефтехиминвест-холдинг» акционерлык җәмгыяте Директорлар советының чираттагы утырышы узды. Утырышны Татарстан рәисе Рөстәм Миңнеханов үткәрде. Анда нефть-газ химиясе өлкәсендәге перспектив проектлар каралды.
Республика Премьер-министры Алексей Песошин Менделеев һәм Түбән Кама муниципаль район Советлары утырышында катнашты. Радмир Беляев Менделеев районы башлыгы вазифасыннан китүе турында белдерде. Ул Түбән Кама районының җирле үзидарә органнарында эшләячәк. Түбән Кама районы башлыгы Рамил Муллин муниципалитет җитәкчесе булып өч ел эшләгәннән соң үз вәкаләтләрен тапшырды.
Көндезге чыгарылыш
Татарстан Рәисе Рөстәм Миңнеханов республика хөкүмәте йортында Төркия Бөек Милли Мәҗлесенең Сәнәгать, сәүдә, энергетика, табигый ресурслар, мәгълүмат һәм технологияләр комиссиясе рәисе Мостафа Варанк белән очрашты.
Татарстан Рәисе Рөстәм Миңнеханов Һиндстанның «Энсо Груп» компаниясе рәисе Винай Малу белән дә очрашты. Татарстан Рәисе билгеләп үткәнчә, Татарстанның Һиндстан белән хезмәттәшлек тәҗрибәсе тупланган, хезмәттәшлекнең шартнамә-хокукый базасы бар — Татарстан Сәүдә-сәнәгать палатасы белән Һиндстан Сәнәгатьчеләре конфедерациясе арасында, башка килешүләр төзелгән.
Республика Дәүләт Советында Бөек Ватан сугышында Җиңүнең 80 еллыгына багышланган «Позывной «Победа» дигән әдәби-музыкаль композициясе күрсәтелде. Куелышны атарстан Эчке эшләр бүлеге ветераннар советы каршында эшләүче «Реплика» әдәби-музыкаль театры тәкъдим итте.
Кичке чыгарылышлар
Татарстан Рәисе Рөстәм Миңнеханов финанс, казначылык һәм салым органнарының республика киңәшмәсен уздырды. Анда быелның 1 кварталында республиканың берләштерелгән бюджеты үтәлеше йомгаклары турында фикер алыштылар. финанс системасы органнарының бурычларын билгеләделәр.
Татарстан Дәүләт Советы Рәисе, «Бердәм Россия» нең Татарстан бүлеге секретаре Фәрит Мөхәммәтшин Биектаудагы 6 нчы яңа мәктәптә булды. Уку йорты бүген «Җиңү диктанты» мәйданчыкларының берсенә әйләнде.
Спас район Советының чираттан тыш сессиясендә Татарстан Дәүләт Советы Рәисе урынбасары Марат Әхмәтов катнашты. Депутатлар район башлыгы Фәргать Мөхәммәтовның вазыйфасыннан китү турындагы гаризасын канәгатьләндерде. Район башлыгына вазыйфасын башкаручы итеп Роман Исланов билгеләнде.
Татарстан Рәисе Рөстәм Миңнеханов финанс, казначылык һәм салым органнарының республика киңәшмәсен уздырды. Анда быелның 1 кварталында республиканың берләштерелгән бюджеты үтәлеше йомгаклары турында фикер алыштылар. финанс системасы органнарының бурычларын билгеләделәр.
Татарстан Рәисе Рөстәм Миңнеханов Яз һәм Хезмәт, Бөек Җиңү бәйрәмнәре алдыннан, Кремльдә зур уңышларга ирешкән кешеләргә дәүләт бүләкләрен тапшырды. Ул фидакарь тыл хезмәтчәннәре – Горбунов исемендәге авиация заводы ветераны Гөлҗәүһәр Карташовага, авыл хуҗалыгы ветераны Фатыйма Сафинага, “Сетевая компания” ветераны Федор Казайкинга, Казан вертолет заводыннан Минислам Миндин белән Гаврил Пестовка ТАССР төзелүгә 100 ел медальләрен тапшырды.
Татарстан Дәүләт Советы Рәисе, «Бердәм Россия» нең Татарстан бүлеге секретаре Фәрит Мөхәммәтшин Биектаудагы 6 нчы яңа мәктәптә булды. Уку йорты бүген «Җиңү диктанты» мәйданчыкларының берсенә әйләнде
