Иртәнге чыгарылыш
Татарстан Рәисе Рөстәм Миңнеханов Ташкентта ИННОПРОМ Үзәк Азия форумының пленар сессиясендә катнашты. Форумда дөньяның 30 иленнән 10 меңнән артык кеше — хакимият органнары, бизнес оешмалары җитәкчеләре, инженерлар, технологлар алдынгы тәҗридә һәм үзара хезмәттәшлек мәсьәләләре буенча фикер алыша.
Татарстан РәисеРөстәмМиңнехановҮзбәкстан Президенты Шәүкәт Мирзиеев белән очрашты.Очрашуда ике уртак проектны – Үзбәкстанның Бохара һәм Навои өлкәләрендә сәнәгать мәйданчыгын булдыру турында фикер алыштылар.
Татарстан Рәисе Рөстәм Миңнеханов Республика Рәисе вазифасына кандидатларга карата таләпләрне ачыклаучы законга кул куйды. Төзәтмәләр нигезендә, бу вазыйфага ил территориясендә даими яшәүче гражданнар гына сайлана ала. Әлеге үзгәрешләр 18 апрельдә Татарстан Дәүләт Советы утырышында кабул ителгән иде.
Көндезге чыгарылыш
Россия Президенты Владимир Путин “Татнефть “ акционерлык җәмгыяте коллективын 75 еллыгы белән котлады. Ул предприятиенең динамик үсешен, илнең социаль-икьтисадый үсешенә зур өлеш кертүен билгеләп үтте.
Казанның Бауман урамында Бөек Ватан сугышында Җиңүнең 80 еллыгына багышланган «Геройлар дивары» мемориаль инсталляциясе урнаштырылачак. Проектны Россия хәрби-тарихи җәмгыятенең Татарстандагы төбәк бүлеге оештыра.
Бөек Җиңүнең 80 еллыгы уңаеннан 30 апрельдә Татарстан Халыклары дуслыгы йортында теләүчеләр түләүсез юридик ярдәм алачак. Чара республика Юстиция министрлыгы тарафыннан оештырылган, ә консультацияләрне федераль һәм республика хакимият органнары, прокуратура, дәүләт юридик бюросы вәкилләре, шулай ук адвокат, нотариус хезмәткәрләре бирәчәк.
Кичке чыгарылышлар
Россия Президенты Владимир Путин “Татнефть “ акционерлык җәмгыяте коллективын 75 еллыгы белән котлады. Ул предприятиенең динамик үсешен, илнең социаль-икьтисадый үсешенә зур өлеш кертүен билгеләп үтте.
Татарстанда быел юлларны төзекләндерүгә 79 млрд сумнан артык акча бирелгән. Бу хакта республика Транспорт һәм юл хуҗалыгы министры Фәрит Хәнифов Хөкүмәт Йортында узган брифингта белдерде. Республика Рәисе Рөстәм Миңнеханов җитәкчелегендәге системалы эш нәтиҗәсендә республикада уңайлы автомобиль юлларының гомуми озынлыгы 41 мең километрга артканкадәр арткан, шуның 1 мең 400 чакрымы федераль юллар.
Күренекле татар шагыйре Клара Булатованың йөрәге тибүдән туктаган. Бу хакта Татарстан Язучылар берлеге хәбәр итте. Клара Булатова – дистәдән артык шигъри китап, күп кенә популяр җырлар авторы.
Татарстанда Җиңүнең 80 еллыгын югары дәрәҗәдә билгеләп үтәргә, барлык ветераннарга, тыл хезмәтчәннәренә игътибарны көчәйтергә, яшь буынга өлкәннәр батырлыгы турында күбрәк сөйләргә кирәк. Татарстан халыклары ассамблеясенең киңәйтелгән утырышында Дәүләт Советы Рәисе, Ассамблея җитәкчесе Фәрит Мөхәммәтшин шундый йөкләмә бирде.
“Россия – Ислам дөньясы” Халыкара икътисадый форумының төп вакыйгасы «Төньяк – Көньяк «Халыкара транспорт коридоры» темасына утырыш булачак. Анда транспорт коридорының инфраструктурасын үстерү, йөк ташулар географиясен киңәйтү, моның өчен хокукый нигезне әзерләү турында фикер алышачаклар.
Татарстанда быел юлларны төзекләндерүгә 79 млрд сумнан артык акча бирелгән. Бу хакта республика Транспорт һәм юл хуҗалыгы министры Фәрит Хәнифов Хөкүмәт Йортында узган брифингта белдерде. Республика Рәисе Рөстәм Миңнеханов җитәкчелегендәге системалы эш нәтиҗәсендә республикада уңайлы автомобиль юлларының гомуми озынлыгы 41 мең километрга артканкадәр арткан.
